Aequs Limited જાહેર ભરણા મારફતે રૂ. 720 કરોડનું ફ્રેશ મૂડી ભંડોળ એકત્રિત કરશે

અમદાવાદ, 4 ઓક્ટોબરઃ એક્વસ લિમિટેડ એરોસ્પેસ અને કન્ઝ્યુમર સેગમેન્ટ્સ માં સંપૂર્ણ વર્ટીકલી ઈન્ટીગ્રેટેડ મેન્યુફેક્ચરિંગ કૅપેસિટીની ઓફર ધરાવે છે. આ કંપની પ્રારંભિક જાહેર ભરણા (IPO) મારફતે રૂપિયા 720 કરોડ સુધીનું ફ્રેશ મૂડી ભંડોળ એકત્રિત કરશે. 

એક્વસ એ રૂપિયા 10ની ફેસ વેલ્યૂ ધરાવતા ઈક્વિટ શેરોના ફ્રેશ ઈશ્યુ માટે એક અપડેટ કરેલ રેડ હેરિંગ પ્રોસ્પેક્ટસ (UDRHP) રજૂ કર્યું છે, જેનું કુલ મૂલ્ય રૂપિયા 720 કરોડ સુધી છે અને દરેક રૂપિયા 10ની ફેસ વેલ્યુ ધરાવતા 31,772,368 ઈક્વિટી શેરોની ઓફર ફોર સેલની દરખાસ્ત ધરાવે છે.

IPOથી પ્રાપ્ત થનાર ભંડોળનો નીચેની બાબતો માટે ઉપયોગ કરવામાં આવશે: (1)  આ સાથે દર્શાવેલ બાકી ઋણ તથા પ્રીપેમેન્ટ પેનલ્ટીઝની સંપૂર્ણ અથવા આંશિક રીતે પરત ચુકવણી અને/અથવા પ્રીપેમેન્ટ જે આ પ્રમાણે લાગૂ થાય છેઃ (A) કંપની; અને (B) કંપનીની સંપૂર્ણ માલિકીની બે કંપનીઓ, એરોસ્ટ્રક્ચર્સ મેન્યુફેક્ચરિંગ ઈન્ડિયા પ્રાઈવેટ લિમિટેડ અને એક્વસ કન્ઝ્યુમર પ્રોડક્ટ્સ પ્રાઈવેટ લિમિટેડ, આ પ્રકારની પેટાકંપનીઓમાં રોકાણ મારફતે; (2)  મશીનરી અને ઉપકરણની ખરીદીને લીધે થનારા મૂડીગત ખર્ચની જરૂરિયાત પૂરી કરવી (એ) કંપની; અને (બી) તેની સંપૂર્ણ પેટાકંપનીઓ પૈકીની એક એરોસ્ટ્રક્ચર્સ મેન્યુફેક્ચરિંગ ઈન્ડિયા પ્રાઈવેટ લિમિટેડ, આ પ્રકારની પેટા કંપનીમાં રોકાણ મારફતે; અને 3. ઈનઓર્ગેનિક ગ્રોથ, અન્ય વ્યૂહાત્મક પહેલો તથા કોર્પોરેટ ઉદ્દેશોના માધ્યમથી ભંડોળ પૂરું પાડવું.

ભારતમાં પોતાના ત્રણ મેન્યુફેક્ચરિંગ ઈકોસિસ્ટમ અને ભારતની બહાર બે સમર્પિત એરોસ્પેસ સુવિધાઓના માધ્યમથી એક્વસ પાસે એરોસ્પેસ સેગમેન્ટ તથા કન્ઝ્યુમર સેગમેન્ટના ઉત્પાદનો માટે 2,919,058 વાર્ષિક મશીનિંગ/મોલ્ડિંગના કલાકોની કુલ ક્ષમતાથી, અને એરોસ્પેસ સેગમેન્ટને માટે 200થી વધારે કોમ્પ્યુટર ન્યુમેરિકલ કન્ટ્રોલ (“CNC”) મશીનો અને ગ્રાહકોને લગતા ઉત્પાદનો માટે 161 મોલ્ડિંગ મશીન તૈયાર કર્યાં હતા, જે 31મી માર્ચ 2025 પ્રમાણેની સ્થિતિ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)