Tata Groupની બ્રાન્ડ તનેરાએ અમદાવાદમાં પ્રથમ સ્ટોર શરૂ કર્યો

200 વીવર્સ અને આર્ટિસન સાથે મળી હેન્ડલુમ-હેન્ડીક્રાફ્ટને પ્રોત્સાહન આપે છે તનેરા

અમદાવાદ, 10 માર્ચઃ તાતા હાઉસની ભારતીય એથનિક-વેર બ્રાન્ડ તનેરાએ અમદાવાદમાં પ્રથમ અને ગુજરાતમાં બીજો સ્ટોર શરૂ કર્યો છે. દેશના પરંપરાગત વસ્ત્રોને જાળવી અને પ્રોત્સાહન આપવાના હેતુ સાથે તનેરા 200 વીવર્સ અને આર્ટિસન સાથે મળી કામ કરી રહ્યું છે. 11 રાજ્યોમાં 39 સ્ટોર્સ અત્યારસુધીમાં શરૂ કર્યા છે અને ગુજરાતમાં ટૂંક સમયમાં રાજકોટ, સુરત, ભાવનગર, અમદાવાદમાં વધુ સ્ટોર્સ ખોલવાની યોજાના છે.

તાતા ગ્રૂપ તનેરા બ્રાન્ડની સાથે વિવિધ રાજ્યોના વારસાને જાળવી રાખી તેના કારીગરોને યોગ્ય પ્લેટફોર્મ પ્રદાન કરી રહ્યુ છે. સ્ટોરને એનાં વિશ્વસનિય, હેન્ડીક્રાફ્ટ ઉત્પાદનોની વિશિષ્ટ રેન્જમાં ગ્રાહકોએ અતિ સારો પ્રતિસાદ આપ્યો છે. એનાથી પ્રેરિત થઈને તનેરાએ ભારતના ટેક્સટાઇલ કેન્દ્ર અને ભારતીય વસ્ત્રો અને વણાટના પ્રેમીઓ માટે ખરીદીના આકર્ષક કેન્દ્ર તરીકે પ્રસિદ્ધ અમદાવાદમાં એનો પ્રથમ સ્ટોર શરૂ કર્યો છે. આ સ્ટોર વિશાળ 4450 ચોરસ ફીટમાં ફેલાયેલો છે. આ ભવ્ય સ્ટોર ડિકોરમાં સ્થાનિક પાસાંથી આકર્ષિત બન્યો છે, જેમાં લીપણ કળા સામેલ છે. લિપણ કળા મૂળે ગુજરાતના કચ્છની છે, જ્યાં ગ્રાહકો વિવિધ ડિઝાઇન ધરાવતી, કળાત્મક, હાથથી વણેલી સાડીઓ, બ્લાઉઝ, રેડી-ટૂ-વેર અને સ્ટીચ ન કરેલા કુર્તાના વિવિધ સેટને મળશે, જે શુદ્ધ અને કુદરતી રેસાઓમાંથી બનેલા છે.

પરંપરાગત વસ્ત્રોની વિશાળ રેન્જ

વિવિધ પ્રકારના કાપડ કે ટેક્સટાઇલ અને બારીક કારીગરી સાથે તનેરા ભારતને પટોળા, બાંધણીઓ, અજરખ જેવી સ્થાનિક લોકપ્રિય વિવિધ ડિઝાઇન ધરાવતી સાડીઓની રેન્જ તેમજ સંપૂર્ણ કાંજીવરમ, બનારસી, દક્ષિણના સિલ્ક, ચંદેરી, ઇક્કાટ, મહેશ્વરી, જામદની અને તુસ્સાર સહિત અવનવી પ્રસ્તુત ડિઝાઇનોમાં શ્રેષ્ઠ વણાટ ધરાવતી સાડીઓ એક જ જગ્યાએ પૂરી પાડશે.

શાકભાજી, ફળો અને અન્ય વૃક્ષોના રેસાંઓમાંથી તૈયાર વેગન વસ્ત્રો પ્રથમ વખત અમદાવાદમાં

આ ભવ્ય ઉદ્ઘટાન પ્રસંગે તનેરાના ચીફ એક્ઝિક્યુટિવ ઓફિસર અંબુજ નારાયણે કહ્યું કે, ઘણાં જીવદયા પ્રેમીઓ રેશમના કીડાને મારીને તેના રેષામાંથી બનાવેલી સિલ્કની સાડી પહેરવાથી દૂર રહેતાં હોય છે. પરંતુ અમે શુદ્ધ અને કુદરતી રેસાઓમાંથી વિશિષ્ટ રીતે હાથથી વણેલી સાડીઓની શ્રેષ્ઠ રેન્જ પ્રસ્તુત કરી છે. શાકભાજી, ફળો અને અન્ય વૃક્ષોના રેસાંઓમાંથી તૈયાર વેગન વસ્ત્રો પ્રથમ વખત અમદાવાદમાં તનેરા બ્રાન્ડ દ્વારા જારી કરી રહ્યા હોવાનું તનેરાના રિટેલ હેડ અનિર્બાન બેનર્જીએ જણાવ્યું હતું. વેગન સિલ્કની માગને જોતાં તેના વિશાળ રેન્જ ઉપલબ્ધ કરી છે.

રૂ. 20000ની ખરીદી ઉપર 0.2 ગ્રામ તનિષ્કનો ગોલ્ડકોઇન ગીફ્ટ

આપણા દેશની સંસ્કૃતિઓ અને હસ્તકળાઓના વારસાને પ્રોત્સાહન આપવા તનેરા તેના કારીગરો અને આર્ટિસન્સને વણાટકામની પ્રાથમિક જરૂરિયાતો પૂરી પાડે છે. 11 માર્ચથી 15 માર્ચ, 2023 સુધી રૂ. 20,000/-ના મૂલ્ય સુધીની ખરીદી કરનાર ગ્રાહકોને 0.2 ગ્રામ તનિષ્કનો ગોલ્ડ કોઇન ભેટમાં આપવા ગોલ્ડ કોઇન ઓફર પણ શરૂ કરી છે.