G20 ટ્રેડ એન્ડ ઇન્વેસ્ટમેન્ટ વર્કિંગ ગ્રૂપે વિશ્વના ડાયમંડ સેન્ટર ભારત ડાયમંડ બોર્સની મુલાકાત લીધી
નવી દિલ્હી, 28મી માર્ચ: ભારતીય હીરા ઉદ્યોગે ભારત ડાયમંડ બોર્સ (BDB) ખાતે G20 ટ્રેડ એન્ડ ઇન્વેસ્ટમેન્ટ વર્કિંગ ગ્રૂપ (TIWG)ના પ્રતિનિધિઓની મુલાકાતનું આયોજન કર્યું હતું. G20 ટ્રેડ એન્ડ ઇન્વેસ્ટમેન્ટ વર્કિંગ ગ્રૂપના પ્રતિનિધિઓને મુંબઈ ડાયમંડ મર્ચન્ટ્સ એસોસિએશન (MDMA), ઈન્ડિયા ડાયમંડ ટ્રેડિંગ સેન્ટર (IDTC), જેમ એન્ડ જ્વેલરી એક્સપોર્ટ પ્રમોશન કાઉન્સિલ (GJEPC)ની ઓફિસો સહિત ભારત ડાયમંડ બોર્સ પરિસરમાં વિશ્વ-સ્તરની સુવિધાઓનો પ્રવાસ કરાવવામાં આવ્યો હતો. GII, PCCCC, તેમજ સુરક્ષા કમાન્ડ એન્ડ કંટ્રોલ સેન્ટર સહિત G20 પ્રતિનિધિઓએ મોહિત ડાયમંડ, શ્રી રામકૃષ્ણ એક્સપોર્ટ્સ, મહેન્દ્ર બ્રધર્સ, વિનસ જ્વેલ, ફિનેસ્ટાર જ્વેલરી એન્ડ ડાયમંડ્સ, અંકિત જેમ્સ અને ધર્મનંદન ડાયમંડ્સની મુલાકાત લીધી હતી.
GJEPCના ચેરમેન વિપુલ શાહે જણાવ્યું કે, ભારત, વિશ્વ માટે 5000 વર્ષનો જ્વેલરી નિર્માણનો સમૃદ્ધ વારસો ધરાવે છે. જે 5 મિલિયન લોકોને રોજગારી આપે છે અને ભારતની કુલ વેપારી નિકાસમાં 10% હિસ્સો ધરાવે છે. 1 મિલિયનથી વધુ રત્ન અને આભૂષણોના ઉત્પાદન એકમો સાથે 390 જિલ્લાઓ G&J ક્લસ્ટર તરીકે ઓળખાય છે. ભારત એક સમૃદ્ધ નિકાસ ક્ષેત્ર ધરાવે છે, જે વાર્ષિક USD 40 બિલિયનનો હિસ્સો ધરાવે છે. દેશ યુનાઇટેડ સ્ટેટ્સ, યુરોપ, મધ્ય પૂર્વ, એશિયા અને અન્ય ઘણા દેશો સહિત વિશ્વભરના દેશોમાં જ્વેલરીની નિકાસ કરે છે.
