- Business
- Elections Politics Sentiment
- Entertainment
- Fashion
- FLASH NEWS
- ઈકોનોમી
- કોમોડિટી
- કોર્પોરેટ ન્યૂઝ
- ક્રિપ્ટો
- પર્સનલ ફાઇનાન્સ
- મ્યુચ્યુઅલ ફંડ
- શેર બજાર
PPF, SCSS, KVP અને NSC સહિતની સરકારી બચત યોજનાઓના વ્યાજદરોમાં કોઇ ફેરફાર ના કરાયો
જોખમ લેવાનું ટાળતાં નાના અને સિનિયર સિટિઝન તેમજ વ્યાજની આવક ઉપર નભતાં પરીવારોને મોંઘવારીના માર સામે ઝઝૂમવા માટે સરકારનો વધુ એક ફટકો
અમદાવાદ, 30 સપ્ટેમ્બરઃ સરકારે ઓક્ટોબર-ડિસેમ્બર 2026ના ત્રિમાસિક ગાળા માટે પબ્લિક પ્રોવિડન્ટ ફંડ (PPF), નેશનલ સેવિંગ્સ સર્ટિફિકેટ (NSC), કિસાન વિકાસ પત્ર (KVP), સુકન્યા સમૃદ્ધિ યોજના (SSY) અને સિનિયર સિટીઝન સેવિંગ્સ સ્કીમ (SCSS) સહિતની વિવિધ નાની બચત યોજનાઓના વ્યાજ દરોમાં કોઈ ફેરફાર કર્યો નથી.
જોખમ લેવાનું ટાળતા રોકાણકારોમાં પબ્લિક પ્રોવિડન્ટ ફંડ (PPF), નેશનલ સેવિંગ્સ સર્ટિફિકેટ (NSC), કિસાન વિકાસ પત્ર (KVP), સુકન્યા સમૃદ્ધિ યોજના (SSY), સિનિયર સિટીઝન સેવિંગ્સ સ્કીમ (SCSS) અને રિકરિંગ ડિપોઝિટ (RD) જેવી નાની બચત યોજનાઓ લોકપ્રિય છે. સરકાર દર ત્રિમાસિક ગાળે આ યોજનાઓના વ્યાજ દરોની સમીક્ષા કરે છે. અગાઉની સમીક્ષામાં, સરકારે જુલાઈ-સપ્ટેમ્બર 2026ના ત્રિમાસિક ગાળા માટે પણ વ્યાજ દરોમાં કોઈ ફેરફાર કર્યા વિના તે યથાવત રાખ્યા હતા.
પબ્લિક પ્રોવિડન્ટ ફંડ (PPF) પર વાર્ષિક 7.1 ટકા વ્યાજ મળવાનું ચાલુ છે, જ્યારે સિનિયર સિટીઝન સેવિંગ્સ સ્કીમ (SCSS) અને સુકન્યા સમૃદ્ધિ યોજના (SSY) બંને પર વાર્ષિક 8.2 ટકા વ્યાજ મળે છે.
નેશનલ સેવિંગ્સ સર્ટિફિકેટ (NSC) પર વ્યાજ દર 7.7 ટકા છે, પોસ્ટ ઓફિસ મંથલી ઈન્કમ સ્કીમ (POMIS) 7.4 ટકા વ્યાજ આપે છે અને કિસાન વિકાસ પત્ર (KVP) પર વાર્ષિક 7.5 ટકા વ્યાજ મળે છે.
વિવિધ યોજના ઉપર વ્યાજદરની સ્થિતિ એક નજરે
| પીપીએફ | 7.1 |
| સિનિ. સિટિઝન સેવિંગ્સ સ્કીમ | 8.2 |
| સુકન્યા સમૃદ્ધિ યોજના | 8.2 |
| પોષ્ટની મુદતી થાપણ 1 વર્ષ | 6.9 |
| પોષ્ટની મુદતી થાપણ 2 વર્ષ | 7.0 |
| પોષ્ટની મુદતી થાપણ 3 વર્ષ | 7.1 |
| પોષ્ટની મુદતી થાપણ 5 વર્ષ | 7.5 |
| પોષ્ટ રિકરીંગ ડિપોઝિટ | 6.7 |
પોસ્ટ ઓફિસ ટાઈમ ડિપોઝિટમાં, 1-વર્ષ, 2-વર્ષ, 3-વર્ષ અને 5-વર્ષની ડિપોઝિટ પર અનુક્રમે વાર્ષિક 6.9 ટકા, 7.0 ટકા, 7.1 ટકા અને 7.5 ટકા વ્યાજ મળે છે, જ્યારે 5-વર્ષની પોસ્ટ ઓફિસ રિકરિંગ ડિપોઝિટ (RD) પર વાર્ષિક 6.7 ટકા વ્યાજ મળવાનું ચાલુ છે.
નાણાં મંત્રાલયે છેલ્લે નાણાકીય વર્ષ (FY) 2023-24ના છેલ્લા ત્રિમાસિક ગાળા, એટલે કે જાન્યુઆરી-માર્ચ ત્રિમાસિક ગાળા માટે પોસ્ટ ઓફિસની નાની બચત યોજનાઓના વ્યાજ દરોમાં ફેરફાર કર્યો હતો. ડિસેમ્બર 2023માં, મંત્રાલયે છેલ્લે 3-વર્ષની ટાઈમ ડિપોઝિટ અને સુકન્યા સમૃદ્ધિ યોજના (SSY)ના વ્યાજ દરોમાં વધારો કર્યો હતો. 3-વર્ષની ટાઈમ ડિપોઝિટનો વ્યાજ દર 7 ટકાથી વધારીને 7.1 ટકા કરવામાં આવ્યો હતો, જ્યારે સુકન્યા સમૃદ્ધિ યોજના (SSY)નો વ્યાજ દર 8 ટકાથી વધારીને 8.2 ટકા કરવામાં આવ્યો હતો.
(Disclaimer: The information provided here is investment advice only. Investing in the markets is subject to risks and please consult your advisor before investing)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)
MARKETLENS, BUSINESSGUJARAT, GIFTNIFTY, SENSEX, NIFTY, BANKNIFTY, MODI, TRUMP, GOLD, WAR, RUPEE, DOLLAR, USA, MONEYPLANTATION, MAHESHTRIVEDI, EPS
