ભારતની પહેલી લર્નિંગ બૂક જિયો બુકનું 5 ઓગસ્ટથી વેચાણ શરૂ થશે

અમદાવાદ, 2 ઓગસ્ટઃ રિલાયન્સ રિટેલ નવા સ્વરૂપે લર્નિંગ બુક જિયોબૂક લાવી રહ્યું છે, જે તમામ વય જૂથોના લોકોની જરૂરિયાત પૂરી કરવા માટે તૈયાર કરવામાં આવ્યું છે. તેની અદ્યતન જિયોઓએસ ઓપરેટિંગ સિસ્ટમ, સ્ટાઇલિશ ડિઝાઇન અને હંમેશા-કનેક્ટેડ ફીચર્સ ધરાવે છે. ઓનલાઈન ક્લાસમાં હાજરી આપવાની હોય, કોડિંગ શીખવાનું હોય અથવા યોગ સ્ટુડિયો શરૂ કરવા જેવા નવા સાહસોની શોધખોળ કરવી હોય કે ઓનલાઈન ટ્રેડિંગમાં ઝંપલાવવું હોય, જિયોબૂક શીખવાના તમામ પ્રયાસો માટે એક અસાધારણ પ્લેટફોર્મ પૂરું પાડે છે. પાંચમી ઓગસ્ટ 2023થી રૂ.16499ની કિંમતે જિયોબૂક ઉપલબ્ધ થશે. રિલાયન્સ ડિજિટલના ઓનલાઇન અને ઓફલાઇન સ્ટોર્સ પરથી ખરીદી શકાશે. એમેઝોન.ઇન પરથી પણ ખરીદી શકાશે