ટોરેન્ટ અને ઝાયડસ વચ્ચે સરોગ્લિટાઝાર MGના કો-માર્કેટિંગ કરાર

અમદાવાદ, 10 નવેમ્બરઃ ગુજરાતના બે ટોચની ફાર્મા કંપનીઓ ટોરન્ટ ફાર્મા અને ઝાયડસ લાઇફ સાયન્સ વચ્ચે સરોગ્લિટાઝાર એમજીના કો-માર્કેટિંગ કરાર કરવામાં આવ્યા છે. ભારતમાં નોન-આલ્કોહોલિક સ્ટીટો હેપેટાઇટિસ (NASH) અને નોન-આલ્કોહોલિક ફેટી લિવર ડિસીઝ (NAFLD)ની સારવાર માટે Saroglitazar Mgના કો માર્કેટિંગ માટે આ બન્ને મહારથીઓએ કરાર કર્યા છે. તેની વિગતો અનુસાર દેશમાં એનએએસએચ અને એનએએફએલડી માટે એકમાત્ર માન્ય દવા તરીકે, સરોગ્લિટાઝર મેગ્નેશિયમ મુખ્ય ભૂમિકા ભજવે તેવી શક્યતા છે.

આ કરારની શરતો હેઠળ, ટોરેન્ટ પાસે VORXAR® બ્રાન્ડ નામ હેઠળ ભારતમાં ઉત્પાદનને સહ-માર્કેટ કરવાના અર્ધ-વિશિષ્ટ અધિકારો હશે. Zydus એ દવાને Lipaglyn® અને Bilypsa® બ્રાન્ડ નામો હેઠળ લોન્ચ કરી છે અને તેનું માર્કેટિંગ કરવાનું ચાલુ રાખશે. ટોરેન્ટ પૂર્વ નિર્ધારિત માઇલસ્ટોન્સની સિદ્ધિના આધારે ઝાયડસની અપફ્રન્ટ લાઇસન્સિંગ ફી અને માઇલસ્ટોન પેમેન્ટ્સ ચૂકવશે.

Saroglitazar Mg, DCGI દ્વારા ક્રોનિક લિવર રોગો જેમ કે, નોન-આલ્કોહોલિક સ્ટીટો હેપેટાઇટિસ (NASH) અને નોન-આલ્કોહોલિક ફેટી લિવર ડિસીઝ (NAFLD) ની સારવાર માટે Zydus ની નવીન દવા છે. આ દવાને મંજૂરી આપનાર ભારત પહેલો દેશ છે. હાલમાં, વિશ્વમાં બીજે ક્યાંય NASH અને NAFLD ની સારવાર માટે કોઈ માન્ય દવા નથી.