NK Proteins ના એસઈએ અને આઈવીપીએમાં નિયુક્તિઓ સાથે ઇન્ડસ્ટ્રી લીડરશિપ માં વધુ મજબૂત

અમદાવાદ, 2 ઓક્ટોબર: એન.કે. પ્રોટિન્સ પ્રાઇવેટ લિમિટેડના વધી રહેલા મહત્વનો સ્પષ્ટ સંકેત આપતા તેની લીડરશિપ ટીમના બે વરિષ્ઠ સભ્યો મેનેજિંગ ડિરેક્ટર શ્રી પ્રિયમ પટેલ અને ડેપ્યુટી સીઈઓ ડો. ભાવના શાહની ઉદ્યોગની સૌથી અગ્રણી બે વેપાર સંસ્થાઓમાં મહત્વના પદે નિયુક્તિ થઈ છે. શ્રી પ્રિયમ પટેલને સોલ્વન્ટ એક્સ્ટ્રેક્ટર્સ એસોસિયેશન ઓફ ઈન્ડિયા (એસઈએ)ના વેસ્ટ ઝોનના ચેરમેન તરીકે ચૂંટી કાઢવામાં આવ્યા છે જ્યારે ડો. શાહની ઈન્ડિયન વેજીટેબલ ઓઇલ પ્રોડ્યુસર્સ (IVPA)ના વાઇસ પ્રેસિડેન્ટ તરીકે નિયુક્તિ કરવામાં આવી છે.

નિયુક્તિ અંગે શ્રી પ્રિયમ પટેલે જણાવ્યું હતું કે “એસઈએના વેસ્ટ ઝોનના ચેરમેન તરીકેની નિમણૂંક એ ગૌરવની વાત છે. અમે જે પડકારોનો સામનો કરી રહ્યા છે તેના નિરાકરણ માટે તથા નવીનતા અને ટકાઉપણાને પ્રોત્સાહન આપવા માટે હું ઉદ્યોગના હિસ્સેદારો સાથે સહયોગ સાધવા માટે આતુર છું. સાથે મળીને અમે ખાદ્ય તેલ ઉદ્યોગ માટે વધુ સારું ભવિષ્ય બનાવી શકીએ છીએ જેથી ઉત્પાદકો તથા ગ્રાહકોને બંનેને લાભ થાય.”

પોતાની નવી ભૂમિકા અંગે ટિપ્પણી કરતા ડો. ભાવના શાહે જણાવ્યું હતું કે “આઈવીપીએ ખાતે આ નવી જવાબદારી સંભાળતા હું સન્માનિત છું અને વેજીટેબલ ઓઇલ સેક્ટરના સતત વિકાસમાં પ્રદાન આપવા માટે આતુર છું. મારું ધ્યાન નવીનતા અને ટકાઉપણાને પ્રોત્સાહન આપવા પર રહેશે જે ઉદ્યોગની લાંબા ગાળાની સફળતા માટે ખૂબ જરૂરી છે.”

આ નિયુક્તિઓએ એન.કે. પ્રોટિન્સની ખાદ્ય તેલ ક્ષેત્રમાં લીડર તરીકેની સ્થિતિને વધુ મજબૂત બનાવી છે અને તેની લીડરશિપ ટીમ ઉદ્યોગના ભવિષ્યને નવો આકાર આપવામાં મહત્વની ભૂમિકા ભજવી રહી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)