સેન્સેક્સ-નિફ્ટી આજે રેકોર્ડ ટોચ નોંધાવે તેવી તીવ્ર શક્યતા

અમદાવાદ, તા. 27: વૈશ્વિક શેરબજારોમાં ઉછાળાના પગલે આજે ભારતીય શેરબજારમાં પણ તેજીનો માહોલ જોવા મળી શકે છે. એશિયન બજારો આજે ગ્રીન ઝોનમાં ખૂલ્યા છે. ગિફ્ટ નિફ્ટીએ પણ સકારાત્મક શરૂઆત કરી છે. જે 66 પોઈન્ટના ઉછાળા સાથે 26447 પર ટ્રેડ થઈ રહ્યો છે.

ફેડ રિઝર્વ દ્વારા વ્યાજના દરોમાં ઘટાડાની અપેક્ષા વધતાં ગઈકાલે સેન્સેક્સ અને નિફ્ટીમાં આકર્ષક ઉછાળો નોંધાયો હતો. સેન્સેક્સ 1022.50 પોઈન્ટ જ્યારે નિફ્ટી 320.50 પોઈન્ટના ઉછાળા સાથે બંધ રહ્યો હતો.બેંક નિફ્ટી ઇન્ડેક્સ પાછલા સેશનમાં 59,554.95 ની રેકોર્ડ ઊંચી સપાટીએ પહોંચ્યો હતો. સેન્સેક્સ અને નિફ્ટી 50 પણ તેમના રેકોર્ડ ઉચ્ચ સ્તરની નજીક ટ્રેડ કરી રહ્યા છે. જેથી આજે તેજીના માહોલ વચ્ચે સેન્સેક્સ અને નિફ્ટી તેની ઐતિહાસિક ટોચે પહોંચવાની તીવ્ર શક્યતા જણાઈ રહી છે.સેન્સેક્સે દૈનિક ચાર્ટ પર આશાસ્પદ રિવર્સલ પેટર્ન બનાવી છે, અને લાંબી તેજીની કેન્ડલ દેખાઈ છે, જે મોટાભાગે હકારાત્મક છે.

કોટક સિક્યોરિટીઝના ઈક્વિટી રિસર્ચ હેડ શ્રીકાંત ચૌહાણે જણાવ્યા પ્રમાણે, ટ્રેન્ડ-ફોલોઇંગ ટ્રેડર્સ માટે સેન્સેક્સ 85,000-85300ના મુખ્ય સપોર્ટ ઝોન રહેશએ. જ્યાં સુધી સેન્સેક્સ આ લેવલ પર કારોબાર કરશે, ત્યાં સુધઈ તેજીનું જોર વધશે.જેનું રેઝિસ્ટન્સ લેવલ 86000-86200 રહેશે. જો કે, 85000ની નીચે ડાઉન ટ્રેડમાં મંદીની ભીતિ વધશે.

ચોઈસ ઈક્વિટી બ્રોકિંગના રિસર્ચ એનાલિસ્ટ હિતેષ ટેલરે જણાવ્યું હતું કે, ડેરિવેટિવ્ઝ ડેટા 26,000 ની સ્ટ્રાઈક પર મજબૂત કોલ રાઈટિંગ તરફ ઈશારો કરે છે, જ્યારે 25,800 પર મહત્તમ પુટ ઓપન ઈન્ટરેસ્ટ નીચા સ્તરે મજબૂત માંગ દર્શાવે છે. વ્યાપક સેન્ટિમેન્ટ સાવધાનીપૂર્વક આશાવાદી છે. 26,000 ની ઉપરનો સતત બંધ તેજીના વેગને પુનર્જીવિત કરવા અને આગામી સેશનમાં વધુ ઉછાળાની સંભાવનાને અનલૉક કરવા માટે જરૂરી રહેશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)