સાંઈ સિલ્ક, Kfin Technologyના IPOને સેબીની મંજૂરી

33 ઓફર ડોક્યુમેન્ટ્સ મંજૂરીની રાહમાં, 13 પાસે સ્પષ્ટતા મગાવી

અમદાવાદ: માર્કેટ રેગ્યુલેટર સેબીએ રૂ. 3600 કરોડના બે IPOને મંજૂરી આપી છે. જેમાં હૈદરાબાદ સ્થિત સાંઈ સિલ્ક (કલામંદિર)નો અંદાજિત રૂ. 1200 કરોડ, જ્યારે ઈન્વેસ્ટર સોલ્યુશન્સ પ્રદાન કરતી કેફીન ટેક્નોલોજી (KFin Technology)નો અંદાજિત રૂ. 2400 કરોડનો IPO સમાવિષ્ટ છે. માર્કેટ રેગ્યુલેટર સેબી સમક્ષ હાલ 33 જેટલા IPO મંજૂરી માટે વેઈટિંગ લિસ્ટમાં છે. જેમાંથી સેબીએ 13 IPOના લીડ મેનેજર પાસે અમુક સ્પષ્ટતા મગાવી છે.

સાંઈ સિલ્કઃ હૈદરાબાદ સ્થિત એપરલ રિટેલરના રૂ. 1200 કરોડના IPO લાવવાની યોજના ધરાવે છે. ડ્રાફ્ટ રેડ હેરિંગ પ્રોસ્પેક્ટસ (DRHP) અનુસાર, આ IPO હેઠળ રૂ. 600 કરોડના નવા શેર જારી કરવામાં આવશે. આ સાથે, ઑફર ફોર સેલ (OFS) હેઠળ ઇશ્યૂમાં પ્રમોટરો દ્વારા 18,048,440 ઇક્વિટી શેર વેચવામાં આવશે. કંપની ફ્રેશ ઈશ્યૂ મારફત મળેલી રકમનો ઉપયોગ 25 નવા સ્ટોર ખોલવા, બે વેરહાઉસ બનાવવા અને કાર્યકારી મૂડીની જરૂરિયાતો પૂરી કરવા માટે કરશે. ફંડનો ઉપયોગ દેવાની ચુકવણી અને સામાન્ય કોર્પોરેટ હેતુઓ માટે પણ કરવામાં આવશે. હાલમાં તેના 50 સ્ટોર્સ દેશભરમાં કાર્યરત છે.

Kfin Technology: ઈશ્યુઅર સોલ્યુશન્સ પ્રોવાઈડર કેફીનટેક Kfintechના પ્રમોટર જરનલ એટલાન્ટિંગ સિંગાપોર ફંડ દ્વારા ઓફર ફોર સેલ અંતર્ગત આશરે રૂ. 2400 કરોડ એકત્ર કરવાની યોજના ધરાવે છે. KFintech એ NSE 500 કંપનીઓના માર્કેટ કેપિટલાઇઝેશનના આધારે 43 ટકા માર્કેટ શેર અને NSE500 કંપનીઓમાં સર્વિસ કરાયેલા ગ્રાહકોની સંખ્યાના આધારે 34 ટકા બજાર હિસ્સો ધરાવતા ગ્રાહકોની સંખ્યાના આધારે ભારતમાં સૌથી મોટી ઇશ્યુઅર સોલ્યુશન્સ પ્રદાતા છે. KFintech મલેશિયા, ફિલિપાઇન્સ, સિંગાપોર અને હોંગકોંગમાં 22 એસેટ મેનેજરોને મ્યુચ્યુઅલ ફંડ્સ માટે ટ્રાન્જેક્શન ઓરિજીનેશન અને પ્રોસેસિંગ ઉપરાંત ખાનગી નિવૃત્તિ યોજનાઓ સહિત ઈન્વેસ્ટર સોલ્યુશન્સ પ્રદાન કરે છે.