યુનિપાર્ટ્સ ઈન્ડિયાનો આઈપીઓ 25 ગણો ભરાયો, ગ્રે પ્રિમિયમ વધ્યાં

અમદાવાદ: એન્જિનિયર્ડ સિસ્ટમ્સ એન્ડ સોલ્યુશન્સની મેન્યુફેક્ચરર યુનિપાર્ટ્સ ઈન્ડિયા લિ.નો આઈપીઓ અંતિમ દિવસે કુલ 25.32 ગણો ભરાયો હતો. જેમાં રિટેલ રોકાણકારોએ 4.62 ગણી અરજી કરી હતી. 10 લાખથી વધુ રકમના એનઆઈઆઈ બીડ્સ 19.46 ગણા સબ્ક્રિપ્શન સાથે એનઆઈઆઈ પોર્શન 17.86 ગણો ભરાયો હતો. ક્યુઆઈબી સૌથી વધુ 67.14 ગણુ ભરાયો હતું. ઉલ્લેખનીય છે કે, 18 બ્રોકર્સે આઈપીઓ સબ્સ્ક્રાઈબ કરવા સલાહ આપી છે.
ગ્રે માર્કેટમાં રૂ. 60 પ્રિમિયમ બોલાઈ રહ્યા છે. ગ્રે માર્કેટમાં આઈપીઓ 11 ટકાથી વધુ ટકાએ લિસ્ટેડ થવાનો આશાવાદ રોકાણકારો દર્શાવી રહ્યા છે. અત્યારસુધીમાં ગ્રે પ્રિમિયમ રૂ. 15 વધ્યા છે. કંપની મજબૂત ફંડામેન્ટલ્સ ધરાવે છે. જેનો નફો અને નેટવર્થ છેલ્લા 3 નાણાકીય વર્ષમાં સતત વધી છે.
આંતરાષ્ટ્રીય વેચાણો મારફત પ્રોફિટ માર્જિન વધુ મેળવી રહી છે. ભારત ઉપરાંત અમેરિકામાં મેન્યુફેક્ચરિંગ ફેસિલિટી મારફત સ્થાનિક અને આંતરરાષ્ટ્રીય વેપાર કરી રહી છે. જે 25થી વધુ દેશોમાં માર્કેટ ધરાવે છે. પ્રમોટર્સનું પોસ્ટ આઈપીઓ શેર હોલ્ડિંગ 65.79 ટકા થશે. હાલ 75.54 ટકા હોલ્ડિંગ ધરાવે છે. આઈપીઓ શેર એલોટમેન્ટ 7 ડિસેમ્બરે અને લિસ્ટિંગ 12 ડિસેમ્બરે થશે.

આઈપીઓ સબ્સ્ક્રિપ્શન એટ એ ગ્લાન્સ

Dharmaj Cropના શેર એલોટમેન્ટ 5 ડિસેમ્બરે

ધર્મજ ક્રોપ ગાર્ડના રૂ. 251.15 કરોડના આઈપીઓના શેર એલોટમેન્ટ 5 ડિસેમ્બરે થશે. જેના ગ્રે પ્રિમિયમ સતત વધી રૂ.55 થયા છે. લિસ્ટિંગ 20 ટકાથી વધુ પ્રિમિયમે થવાનો સંકેત માર્કેટ નિષ્ણાતો આપી રહ્યા છે. આઈપીઓ કુલ 35.49 ગણો ભરાયો હતો. જેમાં ક્યુઆઈબી 48.21 ગણો, રિટેલ 21.53 ગણો અને એનઆઈઆઈ પોર્શન 52.29 ગણો ભરાયો હતો.