અમદાવાદ, 23 જૂન: અદાણી ઔદ્યોગિક સમૂહની સિમેન્ટ અને નિર્માણ સામગ્રી કંપની અંબુજા સિમેન્ટ્સે યુકે સ્થિત સિમેન્ટ અને ચૂનાના ઉત્પાદન સહિત ઉત્સર્જન-સઘન ઉદ્યોગો માટે કાર્બન કેપ્ચર અને વીજળીકરણ ઉકેલોમાં નિષ્ણાત સ્વચ્છ ટેકનોલોજી કંપની લૈલાક લિ. સાથે ભાગીદારી કરી છે.
આ ભાગીદારી અંબુજા સિમેન્ટ્સની ડીકાર્બનાઇઝેશનની વિશાળ વ્યુહરચના અને ૨૦૫૦ સુધીમાં તેના SBTi-માન્યતા પ્રાપ્ત નેટ ઝીરોને હાંસલ કરવાની દીશામાં દોરી જતું એક મહત્વનું કદમ છે. કંપની લગભગ ૧ ગીગાવોટ કેપ્ટિવ ગ્રીન પાવર આધારીત નવીનીકરણીય ઉર્જાના ઉપયોગને વધારવા માટે સિમેન્ટ ઉત્પાદનના વીજળીકરણને આગળ ધપાવી રહી છે, તે કાર્બન કેપ્ચર જેવા પ્રગતિશીલ ઉકેલોને અપનાવવા માટે પાયાની ભૂમિકા અદા કરવા સજ્જ થઇ રહી છે ત્યારે આ સહયોગ કાર્બન કેપ્ચરના અર્થશાસ્ત્રમાં મહત્વનો સુધારો કરવા સાથે કાર્બન કેપ્ચર અને તેના ઉપયોગની મોટા પાયે તૈનાતી માટે કાર્બન કેપ્ચરના વ્યવસાય અર્થશાસ્ત્રોમાં સુધારો કરશે તેવી અપેક્ષા છે.
કચ્છના સાંધીપુરમમાં અંબુજા સિમેન્ટ્સના વાર્ષિક ૬.૬ મેટ્રિક ટન ઉત્પાદન ક્ષમતાના સાંઘી પ્લાન્ટ ખાતેના વાણિજ્યિક નિદર્શન પ્રકલ્પમાં, રિન્યુએબલ ઉર્જાના વધુ ઉપયોગ અને અનિવાર્ય પ્રક્રિયા કાર્બન ડાયોક્સાઇડના સંકલન થકી ઓછા ઉત્સર્જનવાળા સિમેન્ટ ઉત્પાદનને ટેકો આપવા જરુરી આધાર આપતી લૈલાકના કાર્બન કેપ્ચર અને હાઇબ્રિડ ઇલેક્ટ્રિક હીટિંગ ટેકનોલોજીના એકીકરણનું મૂલ્યાંકન કરવામાં આવશે. કોલસાના વપરાશને શૂન્ય કરી શકાય અને વૈકલ્પિક ઇંધણનો લવચીક ઉપયોગ કરવાની મોકળાશ આપતી આ ટેકનોલોજી નવા રસ્તાને સક્ષમ કરવા માટે ડિઝાઇન કરવામાં આવી છે.
વૈશ્વિક સ્તરે તેના પ્રકારના સૌથી મોટા ઔદ્યોગિક-સ્તરના પ્લાન્ટ તરીકે સ્થિત આ પ્રકલ્પ સફળ પ્રદર્શનને આધીન રહી વાર્ષિક ૧૦ લાખ ટનથી વધુ કાર્બન ડાયોક્સાઇડને સંકલિત કરવા માટે ૭ થી ૮ ગણો વધારી શકાય છે, જે ભારત અને તેનાથી આગળ ઓછા કાર્બન સિમેન્ટ ઉત્પાદન માટે માપી શકાય તેવો માર્ગ સ્થાપિત કરવામાં સહાય કરે છે.
અંબુજા સિમેન્ટ્સના ડિરેક્ટર કરણ અદાણીએ જણાવ્યું હતું કે સિમેન્ટ ઉદ્યોગના ભવિષ્યના ઓછા કાર્બન-ઉત્પાદન સંક્રમણ માટે સ્પષ્ટ વિચારસરણી, તકનીકી નવીનતા અને મૂલ્યની શ્રેણીમાં સહયોગની જરૂર પડશે. ઊર્જા કાર્યક્ષમતામાં સુધારો અને લાંબા ગાળાના ટકાઉ વિકાસને આધાર આપતી અને પ્રક્રિયા થકી ઉત્સર્જન ઘટાડી શકે તેવી આગામી પેઢીની તકનીકોનું મૂલ્યાંકન કરવાની અમારી પ્રતિબદ્ધતાને લૈલાક સાથેની અમારી ભાગીદારી પ્રતિબિંબિત કરે છે. તેમણે આ પહેલને ભવિષ્યની વિશ્વ કક્ષાની ઉત્પાદન પ્રક્રિયા બનાવવાના અમારા વિઝન સાથે સુસંગત ગણાવી હતી. .
લૈલાક લિ.ના સી.ઈ.ઓ ડેનિયલ રેનીએ આ વેળા જણાવ્યું હતું કે વિશ્વના સૌથી મોટા અને સૌથી અદ્યતન સિમેન્ટ ઉત્પાદન નેટવર્કમાંથી એકનું સંચાલન કરતી અંબુજા સિમેન્ટ્સ સાથે વ્યાપારી ધોરણે ઓછા ખર્ચ અને ઓછા કાર્બન સિમેન્ટ ઉત્પાદન માટે પ્રકલ્પ પહોંચાડવાના હેતુ સાથે આ સહયોગની શરૂઆત કરવાનો અમને આનંદ છે. તેમણે ઉમેર્યું કે અમે ભેગા મળીને વૈશ્વિક સિમેન્ટ ઉદ્યોગ માટે આર્થિક, નમૂનારુપ અને ભવિષ્ય-પ્રૂફ ઉકેલ ઉપલબ્ધ બનાવવાનું લક્ષ્ય રાખીએ છીએ.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)