ટોરન્ટ પાવરનો ત્રિમાસિક નફો 87 ટકા વધી રૂ. 996.3 કરોડ

અમદાવાદ, 31 જુલાઇઃ વૈવિધ્યસભર ટોરેન્ટ ગ્રૂપની સંકલિત પાવર યુટિલિટી  કંપની ટોરેન્ટ પાવર 30 જૂન, 2024 ના રોજ પૂરા થયેલા પ્રથમ ત્રિમાસિક ગાળામાં 87.2% વાર્ષિક ધોરણે (YoY) ચોખ્ખો નફો ₹996.3 કરોડ નોંધાવ્યો હતો.

અનુરૂપ ક્વાર્ટરમાં, ટોરેન્ટ પાવરે ₹532.3 કરોડનો ચોખ્ખો નફો નોંધાવ્યો હતો તેમ કંપનીએ નિયમનકારી ફાઇલિંગમાં જણાવ્યું હતું. કામગીરીમાંથી કંપનીની આવક અગાઉના નાણાકીય વર્ષના સમાન સમયગાળામાં ₹7,327.6 કરોડની સામે 23.3% વધીને ₹9,033.7 કરોડ થઈ છે. ઓપરેટિંગ સ્તરે, EBITDA આ નાણાકીય વર્ષના પ્રથમ ત્રિમાસિક ગાળામાં 56.8% વધીને ₹1,857.9 કરોડ પર પહોંચ્યું હતું જે અગાઉના નાણાકીય વર્ષના સમાન સમયગાળામાં ₹1,184.8 કરોડ હતું.

રિપોર્ટિંગ ક્વાર્ટરમાં EBITDA માર્જિન 20.6% હતું જે અગાઉના નાણાકીય વર્ષના સમાન સમયગાળામાં 16.2% હતું. બોર્ડે ટોરેન્ટ ઇલેક્ટ્રિકલ્સ પ્રાઇવેટ લિમિટેડ (TEPL)ના 100% ઇક્વિટી શેર ટોરેન્ટ ઇન્વેસ્ટમેન્ટ્સ પ્રાઇવેટ લિમિટેડ (TIPL), હોલ્ડિંગ કંપનીને ₹85 કરોડમાં વેચવાની પણ મંજૂરી આપી હતી. વેચાણ પૂર્ણ થવાની અપેક્ષિત તારીખ 31 ડિસેમ્બર, 2024 છે. TEPLની કુલ આવક ₹651.26 કરોડ છે, જે કંપનીની કુલ આવકના 2.40% છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)