મુંબઈ, 21 જૂન, 2026: ભારતના સંરક્ષણ ઉત્પાદન ઇકોસિસ્ટમ માટે એક મહત્વપૂર્ણ સીમાચિહ્નરૂપ સાથે શ્રી રેફ્રિજરેશન્સ લિમિટેડ (SRL) એ શનિવારે મહારાષ્ટ્રના કરાડમાં તેની નવી અત્યાધુનિક ઉત્પાદન સુવિધાનું ઉદ્ઘાટન કર્યું છે. આ સુવિધાનું ઉદ્ઘાટન ભારતીય નૌકાદળના વાઇસ એડમિરલ AVSM, VSM, ચીફ ઓફ મટિરિયલ, બી. શિવકુમાર, દ્વારા કરવામાં આવ્યું હતું.
છ એકરથી વધુ વિસ્તારમાં વિકસિત થયેલ, આ નવી સુવિધામાં રોબોટિક વેલ્ડીંગ, લેસર કટીંગ, બેન્ડિંગ મશીનો વગેરે જેવા અદ્યતન ઉત્પાદન ઉપકરણોનો સમાવેશ થાય છે અને શોટ બ્લાસ્ટિંગ અને પેઇન્ટિંગ સહિત વિવિધ પ્રક્રિયાઓને એકીકૃત કરે છે. આ સાથે, કંપનીના ઉત્પાદનના ફૂટપ્રિન્ટમાં 50,000 ચોરસ ફૂટનો વધારો થયો છે, જેમાં ભવિષ્યની વિસ્તરણ જરૂરિયાતોને પૂર્ણ કરવા માટે વધારાનો 50,000 ચોરસ ફૂટ વધવાની શક્યતા છે. તે ભારતીય ગ્રીન બિલ્ડીંગ કાઉન્સિલ (IGBC) ધોરણોના અનુપાલન સાથે વિકસાવવામાં આવ્યું છે.
શ્રી રેફ્રિજરેશન્સ લિમિટેડ એ ભારતના અગ્રણી સંરક્ષણ-કેન્દ્રિત અદ્યતન રેફ્રિજરેશન અને HVAC સિસ્ટમ્સના ઉત્પાદકો પૈકી એક છે, જે ભારતીય નૌકાદળ અને વ્યૂહાત્મક સંરક્ષણ ક્ષેત્રોમાં સેવા આપે છે.
આ પ્રસંગે, ભારતીય નૌકાદળના વાઇસ એડમિરલ AVSM, VSM, ચીફ ઓફ મટિરિયલ, બી. શિવકુમારે ભારત સરકારના આત્મનિર્ભરતા (આત્મનિર્ભર ભારત) ના વિઝન સાથે સુસંગત દ્વારા સ્થાનિક ઉત્પાદન ક્ષમતાઓને મજબૂત બનાવવાના મહત્વ અંગે નોંધ્યું કે આ પ્રકારની આધુનિક ઉત્પાદન સુવિધાઓમાં રોકાણ એક મજબૂત સ્વદેશી સપ્લાય ચેઇનના વિકાસમાં યોગદાન આપે છે અને દેશની લાંબા ગાળાની વૃદ્ધિને સમર્થન આપે છે, ખાસ કરીને દરિયાઈ અને સંરક્ષણ ક્ષેત્રોમાં તે મહત્વપૂર્ણ છે.
શ્રી રેફ્રિજરેશન્સ લિમિટેડના ચેરમેન અને મેનેજિંગ ડિરેક્ટર શ્રી આર.જી. શેંડેએ કૃતજ્ઞતા વ્યક્ત કરી અને, સંરક્ષણ, દરિયાઈ અને ઔદ્યોગિક એપ્લિકેશનો માટે ઉચ્ચ-ગુણવત્તાવાળા, નવીન અને વિશ્વસનીય ઉકેલો પ્રદાન કરવા માટે કંપનીની પ્રતિબદ્ધતા દર્શાવી. તેમણે SRL ના તેના ગ્રાહકોને વ્યાપક અને મજબૂત સેવા સહાય પૂરી પાડવા પર વધુ ભાર મૂક્યો હતો.
તેમણે કહ્યું કે, “આ નવી સુવિધા ભારત સરકારની ‘મેક ઇન ઇન્ડિયા’ પહેલને અનુરૂપ સ્વદેશી ઉત્પાદન ક્ષમતાઓને મજબૂત બનાવવાની દિશામાં કંપનીની સફરમાં એક મહત્વપૂર્ણ સીમાચિહ્નરૂપ છે. આ નવી સુવિધાના પ્રારંભિક તબક્કામાં, અમારું ધ્યાન કાર્યક્ષમતા સુધારવા માટે અને સપ્લાય ચેઇનને મજબૂત બનાવવા પર રહેશે. આ ઉત્પાદન સમયનો બચાવ કરશે અને લોજિસ્ટિકલ વિલંબ ઘટાડશે. આ સુવિધા સ્થાનિક રોજગાર સર્જનમાં પણ યોગદાન આપશે અને સ્થાનિક ઉત્પાદન ઇકોસિસ્ટમ વૃદ્ધિને પણ સમર્થન આપશે”.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)