અમી ઓર્ગેનિક્સે બાબા ફાઈન કેમિકલ્સ (BFC) માં 55% હિસ્સો હસ્તગત કર્યો

સુરત, 24 એપ્રિલ: એડવાન્સ ફાર્માસ્યુટિકલ ઈન્ટરમીડિયેટસ અને સ્પેશિયાલિટી કેમિકલ્સ  ઉત્પાદક અમી ઓર્ગેનિક્સ લિમિટેડે (BSE: 543349, NSE: AMIORG) બાબા ફાઈન કેમિકલ્સમાં 55% હિસ્સો મેળવ્યો છે. જે કસ્ટમ સિન્થેસિસ અને ઇન્ટરમીડિયેટ્સના ઉત્પાદન પર ધ્યાન કેન્દ્રિત કરતી ફાઈન સ્પેશિયાલિટી કેમિકલ્સ કંપની છે. આ હસ્તાંતરણથી અમી ઓર્ગેનિક્સે હાઈ એન્ટ્રી બેરિયર સેમિકન્ડક્ટર ઉદ્યોગમાં પ્રવેશ કર્યો છે.

અમી ઓર્ગેનિક્સ રૂ. 68.2 કરોડ માટે બે ભાગીદારો પાસેથી બાબા ફાઈન કેમિકલ્સમાં 55% ભાગીદારી હિત હસ્તગત કરશે જે ક્લોઝિંગ સ્ટેજ (“ખરીદી વિચારણા”) પર જરૂરી હોય તેવા ગોઠવણોને આધીન રહેશે. અમી ઓર્ગેનિક્સ લિમિટેડના એક્ઝિક્યુટિવ ચેરમેન અને મેનેજિંગ ડિરેક્ટર શ્રી નરેશ પટેલે જણાવ્યું હતું કે, અમારી સિનર્જી BFCની વિશિષ્ટ પ્રોડક્ટ બાસ્કેટને વધારવામાં મદદ કરશે કારણ કે તેઓ તેમની પ્રોડક્ટ કેટેગરીમાં દેશમાં એકમાત્ર ઉત્પાદકો છે.