રિલાયન્સ સ્ટ્રેટેજિક ઇન્વેસ્ટમેન્ટ શેર્સની ફાળવણી, લિસ્ટિંગ માટે ટૂંક સમયમાં રેકોર્ડ ડેટ નક્કી કરશે

રિલાયન્સ ઇન્ડસ્ટ્રીઝ તેની નાણાકીય સેવાઓને રિલાયન્સ સ્ટ્રેટેજિક ઇન્વેસ્ટમેન્ટ્સ લિમિટેડ (RSIL)માં ડીમર્જ કરી તેનું નામ બદલી Jio Financial Services Ltd (JFSL) તરીકે લિસ્ટિંગ કરાવશે

અમદાવાદ, 7 જુલાઇઃ રિલાયન્સ ઇન્ડસ્ટ્રીઝ લિમિટેડ (RIL) એ તેની વાર્ષિક સામાન્ય મીટ (AGM) પહેલા, જણાવ્યું હતું કે તે, રિલાયન્સ સ્ટ્રેટેજિક ઇન્વેસ્ટમેન્ટ લિ.માં તેની ફાઇનાન્સિયલ સેવાઓને ડિમર્જ કરીને તેનું નામ બદલી Jio Financial Services Limited (JFSL) તરીકે લિસ્ટિંગ કરાવશે. નેશનલ કંપની લો ટ્રિબ્યુનલ (NCLT) એ કંપનીની ફાઇનાન્શિયલ સર્વિસીસ અંડરટેકિંગ અને તેના લિસ્ટિંગના ડિમર્જરને મંજૂરી આપતાં આ જાહેરાત આવી છે. ઉલ્લેખનીય છે કે, RIL એ તેની નાણાકીય સેવાઓના ઉપક્રમને રિલાયન્સ સ્ટ્રેટેજિક ઇન્વેસ્ટમેન્ટ્સ લિમિટેડ (RSIL) માં ડીમર્જ કરવાની અને તેનું નામ બદલીને Jio Financial Services Limited (JFSL) તરીકે સૂચિબદ્ધ કરવાની યોજના બનાવી છે.

ગયા અઠવાડિયે, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયાએ નિફ્ટી ફ્યુચર્સ અને ઓપ્શન્સ ટ્રેડ મેનીપ્યુલેશન માટે રિલાયન્સ સ્ટ્રેટેજિક ઈન્વેસ્ટમેન્ટ્સ લિમિટેડ પર રૂ. 7 લાખનો દંડ લાદ્યો હતો. એક્સચેન્જોને સંક્ષિપ્ત નોંધમાં, RILએ જણાવ્યું હતું કે: કંપની અને રિલાયન્સ સ્ટ્રેટેજિક ઇન્વેસ્ટમેન્ટ્સ લિમિટેડ રિલાયન્સ સ્ટ્રેટેજિક ઇન્વેસ્ટમેન્ટ્સ લિમિટેડના ઇક્વિટી શેરની ફાળવણી અને લિસ્ટિંગ માટે રેકોર્ડ તારીખ નક્કી કરવા સહિત જરૂરી પગલાં લેશે.