ડોલર નબળો પડતાં રૂપિયો સાત મહિનાની ટોચે, સુધારાનું વલણ જારી રહેવાની શક્યતા

અમદાવાદ, તા. 12 નવેમ્બરઃ  વૈશ્વિક અનિશ્ચિતતાઓ અને ક્રૂડના ભાવમાં ઘટાડો તેમજ વિદેશી રોકાણકારોની નેટ લેવાલીના પગલે ડોલર સામે રૂપિયો મજબૂત બન્યો છે. જે આજે ડોલર સામે 93.69ના સ્તરે સાત માસની ટોચે પહોંચ્યો હતો. ડોલરના વ્યાપક વેચાણને કારણે ચલણ બુધવારે તેના અગાઉના બંધ 93.93 કરતા 24 પૈસા મજબૂત થઈને બંધ રહ્યું હતું. બુધવારે દિવસનો ઉચ્ચતમ સ્તર 93.61 અને નીચો સ્તર 93.87 હતો.

વૈશ્વિક સ્તરે ક્રૂડના ભાવમાં ઘટાડો તેમજ ફેડ દ્વારા વ્યાજના દરમાં કોઈ વધારાનો સંકેત ન મળતાં ડોલર ઈન્ડેક્સ નબળો પડ્યો છે. વધુમાં એફઆઈઆઈએ છેલ્લા 15થી વધુ ટ્રેડિંગ સેશનથી ભારતીય શેરબજારમાં કમબેક કરતાં રૂપિયાને ટેકો મળ્યો છે. પરિણામે ડોલર સામે રૂપિયો સુધારા તરફ આગેકૂચ કરતો જોવા મળ્યો છે.

એશિયાના મુખ્ય ચલણોમાં, દક્ષિણ કોરિયન વોન (જેમાં 0.72 ટકાનો વધારો થયો હતો) પછી રૂપિયો બીજા ક્રમે સૌથી સારું પ્રદર્શન કરનાર ચલણ રહ્યો. ચીની યુઆન અને તાઈવાની ડોલરમાં અનુક્રમે 0.10 ટકા અને 0.02 ટકાનો વધારો જોવા મળ્યો. તેની સરખામણીમાં, ઈન્ડોનેશિયન રૂપિયામાં 0.48 ટકાનો ઘટાડો થયો, જ્યારે ફિલિપાઈન પેસોમાં 0.49 ટકાનો ઘટાડો નોંધાયો હતો.

FY27માં અત્યાર સુધીમાં રૂપિયો 1.19 ટકા મજબૂત થયો છે, જેનાથી અગાઉ જોવા મળેલો ઘટાડો આંશિક રીતે ભરપાઈ થયો છે. નવેમ્બર મહિનામાં અત્યાર સુધીમાં તેમાં 1.35 ટકાનો અને ચાલુ ત્રિમાસિક ગાળામાં 2.28 ટકાનો વધારો નોંધાયો છે. જોકે, કેલેન્ડર વર્ષના સંદર્ભમાં તે ડોલર સામે હજુ પણ 4.07 ટકા નીચે છે, અને છેલ્લા એક વર્ષના ગાળામાં તેમાં 5.47 ટકાનો ઘટાડો જોવા મળ્યો છે.

ફોરેક્સ નિષ્ણાતોના મતે, ડોલરનું મજબૂત થવું અને અમેરિકામાં વ્યાજ દરો વધવાની શક્યતા સામાન્ય રીતે ઉભરતા બજારોના ચલણો પર, જેમાં રૂપિયો પણ સામેલ છે,  જે રૂપિયા પર પ્રેશર સર્જે છે. પરંતુ ભારતીય ઇક્વિટીમાં વિદેશી પોર્ટફોલિયો રોકાણના પ્રવાહમાં થયેલો વધારો સ્થાનિક ચલણ માટે ટેકો સાબિત થયો છે.

ટ્રેડરોએ જણાવ્યું હતું કે બુધવારના સત્ર દરમિયાન સમગ્ર બજારમાં ડોલર વેચવા તરફનો ઝુકાવ જોવા મળ્યો હતો, જ્યારે NDF (નોન-ડિલિવરેબલ ફોરવર્ડ) માર્કેટની પ્રવૃત્તિ પણ રૂપિયા પ્રત્યેના વલણમાં સુધારો સૂચવતી હતી.

(Disclaimer: The information provided here is investment advice only. Investing in the markets is subject to risks and please consult your advisor before investing)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)