માર્કેટ લેન્સઃ નિફ્ટી: 19420 ટેકાની સપાટી, બેન્ક નિફ્ટી 43324 તોડે તો સાવધાન…ઇન્ટ્રાડે વોચઃ JSW સ્ટીલ

અમદાવાદ, 23 ઓક્ટોબરઃ ગત સપ્તાહે 850+ પોઇન્ટના નેગેટિવ ટોન સાથે બંધ રહેલા નિફ્ટી માટે સોમવારની સવારે આ લખાય છે ત્યારે પ્રિઓપનિંગ માર્કેટ રિપોર્ટમાં એવું કહી શકાય કે, ટેકનો-ફન્ડામેન્ટલી માર્કેટમાં વોલ્યૂમ્સ અને વોલેટિલિટીની રેન્જ બંધાઇ ગઇ છે. ઉપરમાં નિફ્ટી જ્યાં સુધી 19800 ક્રોસ કરે નહિં અથવા નીચામાં 19298 તોડે નહિં ત્યાં સુધી માર્કેટ રેન્જબાઉન્ડ રહેવાની શક્યતા દેખાઇ રહી છે. નજીકનો સપોર્ટ 19400 પોઇન્ટ અને નજીકની રેઝિસ્ટન્સ સપાટી 19700 પોઇન્ટને ધ્યાનમાં રાખીને  ટ્રેડર્સે સ્ટોપલોસ અને સ્ટોક સ્પેસિફિક એપ્રોચ સાથે ટ્રેડિંગ સ્ટ્રેટેજી ઘડવાની સલાહ મળી રહી છે. ભારતીય શેરબજારો અને ક્રિકેટની પરિભાષા આજકાલ મળતી આવે છે. વિરાટ કોહલી 95 રન કરીને 5 રન માટે સદી ચૂકી જાય તે રીતે ઇન્ટ્રા-ડે ટ્રેડર્સ કે શોર્ટટર્મ ઇન્વેસ્ટર્સ પણ વધુ નફાની લાલચમાં મોટા સ્ટ્રોક મારવા જાય અને નફામાંથી આઉટ થઇ જતાં હોય છે… માટે નફાનું ચોક્કસ ધોરણ નક્કી કરવું જરૂરી હોયછે.

બેન્ક નિફ્ટી માટે નીચા મથાળેથી આવેલી રિકવરી ખાસ કરીને પ્રાઇવેટ બેન્ક્સને આભારી છે. 44300- 44600ની રેન્જબાઉન્ડ કન્ડિશનને ધ્યાનમાં રાખી સ્ટોક્સ અને રિઝલ્ટ સ્પેસિફિક વોચ રાખવાની સલાહ રિલાયન્સ સિક્યુરિટીઝ તરફથી મળી રહી છે. નીચામાં 43200 પોઇન્ટની 200 દિવસીય મજબૂત ટેકાની સપાટીને ધ્યાનમાં રાખવાની સલાહ માર્કેટ નિષ્ણાતો અને ટેકનિકલ એનાલિસ્ટ્સ આપી રહ્યા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)