આરબીઆઈએ Zomatoને પેમેન્ટ એગ્રીગેટર તરીકે કામ કરવા મંજૂરી મળી

અમદાવાદ, 25 જાન્યુઆરીઃ  રિઝર્વ બેન્ક ઓફ ઈન્ડિયા (RBI)એ ફૂડ ડિલિવરી પ્લેટફોર્મ ઝોમેટોની પેટાકંપની, Zomato પેમેન્ટ્સ પ્રાઇવેટ લિમિટેડને પેમેન્ટ એગ્રીગેટર (PA)નું લાયસન્સ આપ્યું છે. જે તેના પ્લેટફોર્મ દ્વારા ઈકોમર્સ ટ્રાન્ઝેક્શનને સરળ બનાવવાની મંજૂરી આપશે.

ફૂડટેક ફર્મે એક્સચેન્જ ફાઈલિંગમાં જણાવ્યું હતું કે, “4 ઓગસ્ટ, 2021ના રોજ અમારા અગાઉના Zomato પેમેન્ટ્સ પ્રાઈવેટ લિમિટેડ (ZPPL), વ્યવસાયને આગળ ધપાવવા માટે ઝોમેટો પ્રાઈવેટની સંપૂર્ણ માલિકીની પેટાકંપની, પેમેન્ટ એગ્રીગેટર અને પ્રિ-ઇશ્યુઅર તરીકે, અન્ય બાબતોની સાથે પેઇડ ઇન્સ્ટ્રુમેન્ટ્સ બની છે. અમે જણાવવા માંગીએ છીએ કે ZPPLને ભારતમાં પેમેન્ટ એગ્રીગેટર તરીકે કામ કરવા માટે RBI તરફથી 24 જાન્યુઆરી,2024ના રોજ મંજૂરી માટે પ્રમાણપત્ર આપવામાં આવ્યું છે.”

આ સાથે Zomato Tata Pay, Razorpay, Cashfree જેવા અન્ય પેમેન્ટ એગ્રિગ્રેટરની માફક પેમેન્ટ લાયસન્સ મેળવ્યું છે. પેમેન્ટ એગ્રીગેટર્સ ઈ-કોમર્સ વેબસાઈટ, મોબાઈલ એપ્સ અને વેપારીઓને તેમના પોતાના પેમેન્ટ ઈન્ટરફેસ બનાવવાની જરૂર વગર ગ્રાહકો પાસેથી તેમના વ્યવહારો માટે પેમેન્ટ ઈન્સ્ટ્રુમેન્ટ સ્વીકારવાની સુવિધા આપે છે.

રેગ્યુલેટરે આદેશ આપ્યો છે કે પેમેન્ટ ગેટવેને ડિજિટલ પેમેન્ટ સ્વીકૃતિ સોલ્યુશન્સ ઓફર કરવા માટે એગ્રીગેટર લાઇસન્સ મેળવવાની જરૂર પડશે. ગયા વર્ષે, ફૂડ ડિલિવરી પ્લેટફોર્મે ICICI બેન્ક સાથે તેની પોતાની યુનિફાઇડ પેમેન્ટ્સ ઇન્ટરફેસ (UPI) ઓફર – Zomato Pay શરૂ કરવા માટે જોડાણ કર્યું હતું.

આ લાયસન્સ મેળવવા પાછળનો તર્ક ટ્રાન્ઝેક્શનની સુવિધા માટે Google Pay, PhonePe અને Paytm જેવી અન્ય પેમેન્ટ એપ પર નિર્ભરતા ઘટાડવાનો હતો. આનાથી Zomatoને થર્ડ પાર્ટી એપ્સ દ્વારા કરવામાં આવતી ચૂકવણીઓ સાથે ટ્રેડિંગ ચાર્જ પર બચત કરવાની મંજૂરી મળી છે.

Zomato અને Blinkit પર ઓનલાઈન ફૂડ અને કરિયાણાના ઓર્ડર માટે ચૂકવણી કરવા ઉપરાંત, ફૂડટેક ગ્રાહકોને Zomato પર લિસ્ટેડ કેટલીક રેસ્ટોરન્ટમાં કાર્ડ્સ, નેટ બેન્કિંગ અને UPI જેવા વિવિધ વિકલ્પોનો ઉપયોગ કરીને Zomato Pay દ્વારા ચૂકવણી કરવાનો વિકલ્પ પણ આપે છે.

અગાઉ, ઝોમેટોએ આરબીએલ બેન્ક સાથે સહ-બ્રાન્ડેડ ક્રેડિટ કાર્ડ ઓફર કરવા માટે જોડાણ કર્યું હતું. જોકે ગયા વર્ષે મે મહિનામાં આ ભાગીદારી ખતમ થઈ હતી.