હોમ ક્રેડિટ ઇન્ડિયા દ્વારા SEWA ભારત સાથે ‘સક્ષમ 2024’ની શરૂઆત

અમદાવાદ, 06 માર્ચ: હોમ ક્રેડિટ ઇન્ડિયા (HCIN) એ, બિન-નફાકારક સંસ્થા, SEWA Bharat (સેવા ભારત) સાથે મળીને, તેના નાણાકીય સાક્ષરતા કાર્યક્રમ “સક્ષમ 2024″ની આગામી આવૃત્તિ શરૂ કરી છે, જેના અંતર્ગત તે 20,000 સીમાંત મહિલાઓ અને છોકરીઓને લાભાર્થી તરીકે શિક્ષિત કરશે.

સક્ષમ નાણાકીય સાક્ષરતા પહેલનો મુખ્ય ઉદ્દેશ સીમાંત મહિલાઓ અને છોકરીઓને નાણાંની પાયાની સમજ પૂરી પાડવાનો છે જેથી તેઓ સશક્ત અને સમજદાર નાણાકીય નિર્ણયો લેવા માટે પોતાને સજ્જ કરી શકે. આ પ્રોગ્રામ તેમને ડિજિટલ ચુકવણી વિકલ્પો અને તેની સાથે સંકળાયેલા જોખમો અને પુરસ્કારો વિશે જાણવા માટે પણ સક્ષમ બનાવશે.

આ વર્ષે, સક્ષમ 2024નો ઉદ્દેશ 800 થી વધુ નાણાકીય સાક્ષરતા વર્કશોપ દ્વારા 20,000 મહિલાઓ (મહિલા વિદ્યાર્થીઓ, ગૃહિણીઓ, કામ કરતી મહિલાઓ અને દૈનિક વેતન મેળવનારાઓ સહિત) ને શિક્ષિત કરવાનો છે જે મુખ્યત્વે ઉત્તર (દિલ્હી-એનસીઆર, ઉત્તરાખંડ, પંજાબ અને રાજસ્થાન) અને પૂર્વ ભારત (બિહાર)માં હાથ ધરવામાં આવશે. સક્ષમ દ્વારા ઓફર કરવામાં આવેલ નાણાકીય સાક્ષરતા કાર્યક્રમમાં બજેટિંગ, બચત, ધિરાણની યોગ્યતા, રોકાણ આયોજન જેવા વિષયોને આવરી લેવામાં આવશે.

સીમાંત મહિલાઓ અને છોકરીઓને નાણાકીય સાક્ષરતા આપવા માટે ઇન્ડિયન ડેવલપમેન્ટ ફાઉન્ડેશન (IDF) ની ભાગીદારી સાથે જુલાઈ 2022 થી માર્ચ 2023 સુધી સક્ષમની પ્રથમ આવૃત્તિનું આયોજન કરવામાં આવ્યું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)