દેશમાં ડિમેટ એકાઉન્ટ્સની સંખ્યા પ્રથમવાર 10 કરોડ ક્રોસ

કોવિડ પૂર્વે ડિમેટ એકાઉન્ટ્સની સંખ્યા 4.10 કરોડ હતી

મુંબઇઃ દેશમાં ઓગસ્ટ માસ દરમિયાન  સૌપ્રથમવાર ડિમેટ એકાઉન્ટ્સની સંખ્યા 10 કરોડની સપાટીને ક્રોસ કરી ગઇ છે. આશરે 22 લાખ નવા એકાઉન્ટ્સ છેલ્લા ચાર માસમાં ખુલ્યા છે. જેનાકારણે કુલ સંખ્યા 1.005 કરોડની થઇ ગઇ હોવાનું એનએસડીએલના આંકડાઓ દર્શાવે છે.

કોવિડ-19 પૂર્વે માર્ચ-20ની સ્થિતિ અનુસાર કુલ ડિમેટ એકાઉન્ટ્સની સંખ્યા 4.09 કરોડ હતી. લોકડાઉન દરમિયન વર્ક ફ્રોમ હોમ કન્સેપ્ટ તેમજ ઓનલાઇન એકાઉન્ટ ખોલવાનું સરળ થઇ જવાની સાથએ સાથે બ્રોકરેજમાં ઘટાડો, મોબાઇલ એપનો વ્યાપ વધવા ઉપરાંત ડેટા પેનિટ્રેશનના કારણે ડિમેટ એકાઉન્ટની સંખ્યામાં ધરખમ વધારો થયો છે.

સીડીએસએલ ખાતે લિસ્ટેડ કંપનીઓની સંખ્યા એનએસડીએલ કરતાં વધુ છે. પરંતુ એસેટ અન્ડર કસ્ટડીની દ્રષ્ટિએ એનએસડીએલ આગળ રહ્યું છે. ઓગસ્ટ અંતે સીડીએસએલમાં 7.16 કરોડ ડિમેટ એકાઉન્ટ ખૂલવા સાથે તેની એયુસી 38.5 લાખ કરોડે પહોંચી હતી. જ્યારે બીજી તરફ એનએસડીએલ ખાતે 2.89 કરોડ ડિમેટ એકાઉન્ટ્સ ખૂલવા સાથે એયુસી રૂ. 32 લાખ કરોડ થઇ છે.

ડિમેટ એકાઉન્ટ ઓપનિંગ ટ્રેન્ડ