બિગબ્લોક કન્સ્ટ્રક્શને Q3FY25માં રૂ. 56.82 કરોડની આવક નોંધાવી

સુરત, 18 ફેબ્રુઆરી: બિગબ્લોક કન્સ્ટ્રક્શન લિમિટેડે નાણાકીય વર્ષ 2025માં ડિસેમ્બર 2024માં પૂરા થયેલા ત્રીજા ક્વાર્ટર દરમિયાન ઓપરેશન્સમાંથી રૂ. 56.82 કરોડની આવક નોંધાવી છે, જે સપ્ટેમ્બર 2024માં પૂરા થયેલા ત્રિમાસિકગાળાના રૂ. 51.66 કરોડની ઓપરેશનલ આવકની તુલનામાં 10% Q-o-Qનો વધારો દર્શાવે છે. Q3FY25 માટે EBITDA રૂ. 6.11 કરોડ (EBITDA માર્જિન 10.8%) રહ્યો હતું. Q3FY25 માટે ચોખ્ખો નફો (ટોટલ કોમ્પ્રિહેન્સિવ ઇન્કમ) રૂ. 2.05 કરોડ નોંધાયો હતો.

ત્રીજા ત્રિમાસિક ગાળા માટે સ્ટારબિગબ્લોક બિલ્ડિંગ મટિરિયલ લિમિટેડ અને બિગબ્લોક બિલ્ડિંગ એલિમેન્ટ્સ પ્રાઇવેટ લિમિટેડમાં કેપેસિટી યુટીલાઈઝેશન અનુક્રમે 75 ટકા અને 68 ટકા હતો, જ્યારે કોન્સોલિડેટેડ કેપેસિટીનો ઉપયોગ 53 ટકા હતો. પ્રમોટર ગ્રુપે ડિસેમ્બર 2024 સુધીમાં તેમનો હિસ્સો વધારીને 72.63 ટકા કર્યો છે, ડિસેમ્બર ક્વાર્ટરમાં ખુલ્લા બજારમાંથી 2,01,500 શેર ખરીદ્યા છે.

બિગબ્લોક કન્સ્ટ્રક્શન લિમિટેડ અને થાઇલેન્ડની એસસીજી ઇન્ટરનેશનલ વચ્ચેના સંયુક્ત સાહસ સિયામ સિમેન્ટ બિગબ્લોક કન્સ્ટ્રક્શન ટેક્નોલોજીસ પ્રાઇવેટ લિમિટેડને તાજેતરમાં જ ભારતીય બજાર માટેનું એક નવું ઉત્પાદન “ઝેડ માર્ટબિલ્ડ વોલ બાય NXTBLOC” માટે IIT પ્રોડક્ટ ટેસ્ટ સર્ટિફિકેશન મળ્યું છે. SCG બીગબ્લોક ભારતની એકમાત્ર એવી કંપની છે જે 20 ફૂટની દિવાલોનો પુરવઠો પૂરો પાડવા સક્ષમ છે, જે અગાઉ આયાત કરવામાં આવતી હતી.

બિગબ્લોક કન્સ્ટ્રક્શન લિમિટેડના નારાયણ સાબુએ જણાવ્યું હતું કે, ઉમરગાંવ પ્લાન્ટમાં આયોજિત તકનીકી અપગ્રેડેશન કરવામાં આવ્યું હતું, જેણે 16 ઓક્ટોબરના રોજ અપગ્રેડ પૂર્ણ થયા પછી, પ્લાન્ટે ફરીથી કામગીરી શરૂ કરી દીધી છે અને ધીમે ધીમે ઉત્પાદનમાં વધારો કરશે. ડિસેમ્બર 2024માં પૂરા થયેલા નવ મહિનામાં, કંપનીએ ઓપરેશન્સમાંથી રૂ. 160.05 કરોડ રેવન્યુ, EBITDA રૂ. 23.43 કરોડ (EBITDA માર્જિન 14.64 ટકા) અને રૂ. 8.73 કરોડનો ચોખ્ખો નફો ની આવક નોંધાવી હતી.

કંપની સોલાર કેપેસિટીને વિસ્તૃત કરીને તેના ટકાઉપણાના પ્રયત્નોને પણ મજબૂત બનાવી રહી છે. સિયામ સિમેન્ટ બિગબ્લોકની નવી સંયુક્ત સાહસ સુવિધામાં વધારાની 1350 કિલોવોટની સોલાર રૂફટોપ સિસ્ટમ સાથે કંપની અને તેની સહાયક કંપનીઓમાં કંપનીની કુલ સૌર ક્ષમતા 3475 કિલોવોટ સુધી પહોંચી જશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)