સિલ્વરટન ઇન્ડસ્ટ્રીઝ લિમિટેડે DRHP ફાઇલ કર્યું

અમદાવાદ, 16 જુલાઇઃ સિલ્વરટન ઇન્ડસ્ટ્રીઝ લિમિટેડ ઇકો-ફ્રેન્ડલી સ્પેશિયાલિટી પેપરના ઉત્પાદન અને માર્કેટિંગમાં કાર્યરત છે તેમજ તેની એકીકૃત કામગીરી દ્વારા એન્ડ-યુઝ ઇન્ડસ્ટ્રીના વૈવિધ્યસભર સ્પેક્ટ્રમને સેવા આપે છે. કંપનીની પેપર આધારિત પ્રોડક્ટ્સની વ્યાપક શ્રેણી (1) રાઇટિંગ અને પ્રિન્ટિંગ પેપર; (2) ક્રાફ્ટ પેપર; (3) કપસ્ટોક પેપર અને (5) અન્ય સ્પેશિયલાઇઝ્ડ ગ્રેડ પેપરનો સમાવેશ થાય છે. અમારી પ્રોડક્ટ ઓફરિંગ (1) રિટેઇલ, કોર્પોરેટ, શૈક્ષણિક અને સરકારી ક્ષેત્રોમાં; (2) પેકેજિંગ, એફએમસીજી અને સેકન્ડરી પેકેજિંગ; (3) ફૂડ અને બેવરેજ પેકેજિંગ, ક્વિક સર્વિસ રેસ્ટોરાં માટે સેકન્ડરી અને લિક્વિડ પેકેજિંગ; અને (4) લેબલ અને સ્ટેશનરી સોલ્યુશન્સ; અને (5) ફાર્માસ્યુટિકલ ક્ષેત્ર માટે પેકેજિંગમાં એપ્લિકેશમાં ઉપયોગમાં લેવાય છે.

સિલ્વરટન ઇન્ડસ્ટ્રીઝ લિમિટેડે બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી)માં તેનું ડ્રાફ્ટ રેડ હેરિંગ પ્રોસ્પેક્ટસ (ડીઆરએચપી) ફાઇલ કર્યું છે. કંપની પ્રારંભિક જાહેર ભરણા દ્વારા ઇક્વિટી શેર્સ (પ્રતિ શેર રૂ. 5 મૂળ કિંમત)ની ઓફર દ્વારા ભંડોળ એકત્ર કરવાની યોજના ધરાવે છે, જેમાં રૂ. 3000 મિલિયન (રૂ. 300 કરોડ) સુધીના ઇક્વિટી શેર્સનો ફ્રેશ ઇશ્યૂ અને સેલિંગ શેરહોલ્ડર્સ દ્વારા 32,200,000 ઇક્વિટી શેર્સનો ઓફર ફોર સેલ સામેલ છે.

કંપની આઇપીઓમાંથી પ્રાપ્ત ભંડોળનો ઉપયોગ (1) 14 મેગાવોટના વેસ્ટ-ટુ-એનર્જી કેપ્ટિવ પાવર પ્લાન્ટ (કેપ્ટિવ પાવર પ્લાન્ટ)ની સ્થાપના સાથે વર્તમાન મેન્યુફેક્ચરિંગ સુવિધાઓમાં સસ્ટેનેબિલિટીની પહેલ માટે મૂડી ખર્ચ તથા અંદાજે રૂ. 1,775.07 મિલિયનના કોમ્પ્રેસ્ડ બાયો ગેસ (સીબીજી) પ્લાન્ટ, (2) રિવાઇન્ડર અને શીટર ક્ષમતામાં વધારો કરીને વર્તમાન ઉત્પાદન સુવિધાઓમાં મૂડી ખર્ચની જરૂરિયાતો માટે અને અંદાજે રૂ. 346.39 મિલિયન સાથએ ઇન-હાઉસ વેરહાઉસના બાંધકામ માટે, (3) કંપની દ્વારા અંદાજે રૂ. 720 મિલિયનના ઋણની સંપૂર્ણ અથવા આંશિક ચૂકવણી માટે તથા બાકીની રકમનો ઉપયોગ કોર્પોરેટના સામાન્ય હેતુઓ માટે કરાશે.

રેડ હેરિંગ પ્રોસ્પેક્ટસ દ્વારા ઓફર કરાતા ઇક્વિટી શેર્સ બીએસઇ લિમિટેડ (બીએસઇ) અને નેશનલ સ્ટોક એક્સચેન્જ ઓફ ઇન્ડિયા લિમિટેડ (એનએસઇ) ઉપર લિસ્ટ કરવાની દરખાસ્ત છે.

પેન્ટોમેથ કેપિટલ એડવાઇઝર્સ પ્રાઇવેટ લિમિટેડ ઇશ્યૂના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)