વિક્રમ સોલાર લિમિટેડ નો IPO 19 ઓગસ્ટે ખૂલશે, પ્રાઈસ બેન્ડ રૂ. 315 – 332

અમદાવાદ, 14 ઓગસ્ટ: વિક્રમ સોલાર લિમિટેડ 19 ઓગસ્ટ ના  રોજ પ્રાઇસ બેન્ડ ₹315 થી ₹332 પ્રતિ ઇક્વિટી શેર ફેસ વેલ્યુ ₹10 ની સાથે મૂડીબજારમાં પ્રવેશી રહી છે અને   21 ઓગસ્ટ 2025 ના રોજ બંધ થશે. રોકાણકારો ઓછામાં ઓછા 45 ઇક્વિટી શેર માટે અને ત્યારબાદ 45 ઇક્વિટી શેરના ગુણાંકમાં બોલી લગાવી શકે છે.  IPO રૂ. 1,500 કરોડ સુધીના નવા ઇશ્યૂ કરાયેલ શૅર અને પ્રમોટર અને પ્રમોટર ગ્રુપ વેચાણ કરતા શેરધારકોના 1,74,50,882 ઇક્વિટી શેરના વેચાણ માટે ઓફરનું મિશ્રણ છે. આ ઓફરમાં કર્મચારી અનામત ભાગમાં કર્મચારીઓ દ્વારા સબ્સ્ક્રિપ્શન રિઝર્વેશનનો પણ સમાવેશ થાય છે.

નવા ઇશ્યૂમાંથી મળેલી રકમમાંથી રૂ. 769.73 કરોડ જે ફેઝ-1 પ્રોજેક્ટ માટે તેની સંપૂર્ણ માલિકીની પેટાકંપની, VSL ગ્રીન પાવર પ્રાઇવેટ લિમિટેડમાં રોકાણ દ્વારા મૂડી ખર્ચના આંશિક ભંડોળ માટે ઉપયોગમાં  લેવાશે; ફેઝ-2 પ્રોજેક્ટ માટે તેની સંપૂર્ણ માલિકીની પેટાકંપની, VSL ગ્રીન પાવર પ્રાઇવેટ લિમિટેડમાં રોકાણ દ્વારા મૂડી ખર્ચના ભંડોળ માટે અને અને સામાન્ય કોર્પોરેટ હેતુઓ માટે રૂ. 595.21 કરોડ ઉપયોગમાં લેવાશે.

લિસ્ટિંગઃ કંપનીના શેર્સ બીએસઇ અને અનએસઇ ખાતે લિસ્ટિંગ કરાવવાની દરખાસ્ત ધરાવે છે.

કંપનીની કામગીરી અને ઇતિહાસ:

વિક્રમ સોલાર લિમિટેડે 2009 માં 12.00 મેગાવોટની સ્થાપિત સોલાર પીવી મોડ્યુલ ઉત્પાદન ક્ષમતા સાથે તેનું ઉત્પાદન કામગીરી શરૂ કરી હતી, જે આજની તારીખે 4.50 ગીગાવોટ સ્થાપિત ક્ષમતા સુધી પહોંચી હતી. કંપની ભારતના સૌથી મોટા સોલાર ફોટો-વોલ્ટેઇક (“PV”) મોડ્યુલ ઉત્પાદકોમાંની એક છે, જેની પાસે 31 માર્ચ, 2025 સુધીમાં ઉદ્યોગનો 17 વર્ષથી વધુનો અનુભવ છે. સોલાર પીવી મોડ્યુલ માટે 4.50 GW સ્થાપિત ઉત્પાદન ક્ષમતા સાથે, તે ભારતના સૌથી મોટા પ્યોર પ્લે મોડ્યુલ ઉત્પાદકોમાંનું એક છે અને નવી અને નવીનીકરણીય ઉર્જા મંત્રાલયની મંજૂર મોડ્યુલ અને ઉત્પાદકોની સૂચિ (“ALMM”) અનુસાર તેની સૂચિબદ્ધ ક્ષમતા 30 જૂન, 2025 સુધીમાં 2.85 GW છે.

કંપનીએ CY 2014 ના પ્રથમ ક્વાર્ટરમાં ટાયર 1 ઉત્પાદક તરીકે બ્લૂમબર્ગ NEF માં પણ સ્થાન મેળવ્યું હતું  અને ત્યારબાદ 2025 ના પ્રથમ ક્વાર્ટરમાં નવીનતમ સમાવેશ સાથે વારંવાર સૂચિબદ્ધ કરવામાં આવી છે. વધુમાં, મે 2025 માં તેને પ્રતિષ્ઠિત EUPD ટોપ બ્રાન્ડ પીવી સીલ પણ મળી. તેણે સમગ્ર ભારતમાં હાજરી સ્થાપિત કરી છે, જે 19 રાજ્યો અને બે કેન્દ્રશાસિત પ્રદેશોને સેવા આપે છે.

નાણાકીય વર્ષ 2024 માં રૂ. 2,510.99 કરોડથી 36.34% વધીને નાણાકીય વર્ષ 2025 માં રૂ. 3,423.45 કરોડ થઈ છે, જે મુખ્યત્વે સ્થાનિક બજારમાં મોડ્યુલ વેચાણના જથ્થામાં વધારાને કારણે છે. કર પછીનો નફો નાણાકીય વર્ષ 2024માં રૂ. 79.72  કરોડથી વધીને નાણાકીય વર્ષ 2025માં રૂ. 139.83 કરોડ થયો.

લીડ મેનેજર્સ:  JM ફાઇનાન્શિયલ લિમિટેડ, નુવામા વેલ્થ મેનેજમેન્ટ લિમિટેડ, UBS સિક્યોરિટીઝ ઇન્ડિયા પ્રાઇવેટ લિમિટેડ, ઇક્વિરસ કેપિટલ પ્રાઇવેટ લિમિટેડ અને ફિલિપકેપિટલ (ઇન્ડિયા) પ્રાઇવેટ લિમિટેડ બુક-રનિંગ લીડ મેનેજર છે, અને MUFG ઇનટાઇમ ઇન્ડિયા પ્રાઇવેટ લિમિટેડ ઇશ્યૂના રજિસ્ટ્રાર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)