HD FIRE PROTECT એ  DRHP ફાઇલ કર્યું

અમદાવાદ, 26 સપ્ટેમ્બર: એચડી ફાયર પ્રોટેક્ટ લિમિટેડે બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. કંપની ફાયર પ્રોટેક્શન ઇક્વિપમેન્ટ અને સિસ્ટમના ભારતીય ઉત્પાદક અને સપ્લાયર છે, જે વોટર, ફોમ અને ગેસ-બેઝ્ડ ફાયર સપ્રેસન સિસ્ટમ સહિતનો વિશાળ પોર્ટફોલિયો ઓફર કરે છે. કંપની રાષ્ટ્રીય અને આંતરરાષ્ટ્રીય ધોરણોને પૂર્ણ કરવા માટે પોતાની માલિકીની ડિઝાઇન સાથે તેના મોટાભાગની પ્રોડક્ટ્સ ઇન-હાઉસ વિકસાવે છે, જે ઉચ્ચ જોખમી ઔદ્યોગિક એપ્લિકેશનો તેમજ રહેણાંક અને વાણિજ્યિક ક્ષેત્રોને સેવા આપે છે.

નાણાકીય વર્ષ 2024માં કંપની ઓપરેટિંગ આવક (કામગીરીમાંથી આવક)ની દ્રષ્ટિએ ભારતમાં બીજા ક્રમની સૌથી મોટી ફાયર પ્રોટેક્શન ઇક્વિપમેન્ટ અને સિસ્ટમ્સ ઉત્પાદક હતી અને નાણાકીય વર્ષ 2024માં મૂલ્યની દ્રષ્ટિએ સૌથી મોટી નિકાસકાર હતી. નાણાકીય વર્ષ 2025માં કંપનીનું 90થી વધુ દેશોમાં નિકાસ વેચાણ છે.

કુલ ઓફર સાઇઝમાં 26,284,500 ઇક્વિટી શેર્સનો ઓફર-ફોર-સેલ છે. કંપની ઓફરમાંથી કોઇપણ આવક પ્રાપ્ત કરશે નહીં. આ ઓફરનો ઉદ્દેશ્ય (1) પ્રમોટર સેલિંગ શેરહોલ્ડર્સ દ્વારા પ્રતિ શેર રૂ. 5ની મૂળ કિંમતના 26,284,500 ઇક્વિટી શેર્સનો ઓફર-ફોર-સેલ હાથ ધરવા, (2) સ્ટોક એક્સચેન્જીસ ઉપર ઇક્વિટી શેર્સના લિસ્ટિંગના લાભો મેળવવા.

એમ્બિટ પ્રાઇવેટ લિમિટેડ, આનંદ રાઠી એડવાઇઝર્સ લિમિટેડ અને આઇઆઇએફએલ કેપિટલ સર્વિસિસ લિમિટેડ ઓફરના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)