અમદાવાદ, ૬ નવેમ્બર: સરદાર વલ્લભભાઈ પટેલ ઈન્ટરનેશનલ એરપોર્ટ (SVPIA) ના સંચાલક અમદાવાદ ઈન્ટરનેશનલ એરપોર્ટ લિમિટેડ (AIAL) પાંચ વર્ષની સફળ કામગીરી બદલ અપાર હર્ષની લાગણી અનુભવે છે. મુસાફરોના ઉત્કૃષ્ટ અનુભવો, મજબૂત ઈન્ફ્રાસ્ટ્રક્ચર વિસ્તરણ અને વૈશ્વિક માન્યતા ઉડીને આંખે વળગે છે.

નવેમ્બર 2020 માં કામગીરી સંભાળ્યા પછી AIAL એ આરામદાયક મુસાફરી અને કાર્યક્ષમતાના નવા માપદંડો સ્થાપિત કર્યા છે. 2025 માં મુસાફરોનો ટ્રાફિક 10,133 દૈનિક મુવમેન્ટથી વધીને 36,500 થી વધુ થયો છે. એરક્રાફ્ટ ટ્રાફિક મૂવમેન્ટ (ATM) માં 117 થી 284 પ્રતિ દિવસનો તીવ્ર વધારો થયો છે.

ટર્મિનલ્સની કાયાપલટ

ઘરેલુ મુસાફરોને સેવા આપતું ટર્મિનલ 1, ટ્રિપલ સીટિંગ ક્ષમતા, વધારાના બોર્ડિંગ ગેટ, 36 ચેક-ઇન કાઉન્ટર અને નવા ડિજી યાત્રા-સક્ષમ ઇ-ગેટ્સ સાથે 39,000 ચોરસ મીટર સુધી વિસ્તર્યું છે. ટર્મિનલ 2, હવે એક સંકલિત સ્થાનિક અને આંતરરાષ્ટ્રીય હબ છે, જે 12 બોર્ડિંગ ગેટ, વિસ્તૃત ઇમિગ્રેશન અને સુરક્ષા ક્ષેત્રો અને સમર્પિત પ્રાર્થના, બાળ સંભાળ અને ટ્રાન્સફર સુવિધાઓ સાથે 49,000 ચોરસ મીટરમાં ફેલાયેલું છે. વિશિષ્ટ ચાર્ટર ફ્લાઇટ કામગીરી માટે 400 ચોરસ મીટરના વિસ્તારમાં ફેલાયેલું એક નવું જનરલ એવિએશન ટર્મિનલ રજૂ કરવામાં આવ્યું છે.

ઓપરેશનલ કામગીરીમાં વધારો

વાર્ષિક 200,000 મેટ્રિક ટન (MT) સુધીના માલનું સંચાલન કરવા માટે એક અત્યાધુનિક ઇન્ટિગ્રેટેડ કાર્ગો ટર્મિનલ (20,000 ચોરસ મીટર)નું ઉદ્ઘાટન કરવામાં આવ્યું, સાથે સાથે ચાર્ટર ટ્રાફિક માટે આધુનિક જનરલ એવિએશન ટર્મિનલ પણ રજૂ કરવામાં આવ્યું. AIAL એ ઓટોમેટેડ બેગેજ સિસ્ટમ્સ, સફાઈ રોબોટ્સ અને ડિજી યાત્રા ઇકોસિસ્ટમ રજૂ કરી નવા બોર્ડિંગ પાસ તરીકે ચહેરાની ઓળખનો ઉપયોગ કરે છે.

સલામતી અને ટકાઉપણાંને પ્રાથમિકતા

વિમાનમથકે 10 મિલિયન સલામત કાર્ય કલાકો હાંસલ કર્યા છે. તેમાં ટકાઉપણાં તરફ નોંધપાત્ર પગલાં લીધાં છે. ગ્રીન પાવર તરફ સ્વિચ કરવું, ગંદા પાણીને રિસાયક્લિંગ કરવું અને તેના મોટાભાગના વાહનોને ઇલેક્ટ્રિકમાં રૂપાંતરિત કરવા જેવી બાબતો અપનાવવામાં આવી છે.

પ્રસંશાપાત્ર શ્રેષ્ઠતા

એરપોર્ટે પાંચ વર્ષમાં 30 થી વધુ પુરસ્કારો સાથે માન્યતા પ્રાપ્ત કરી છે, જેમાં ACI લેવલ 4 સર્ટિફિકેશન, બ્રિટિશ કાઉન્સિલ સેફ્ટી 5-સ્ટાર રેટિંગ અને CII ના ઝીરો વેસ્ટ ટુ લેન્ડફિલ પ્લેટિનમ સર્ટિફિકેશનનો સમાવેશ થાય છે, AIAL એ ઓપરેશનલ શ્રેષ્ઠતા, ટકાઉપણું અને મુસાફરોના આનંદમાં બેન્ચમાર્ક વધારવાનું ચાલુ રાખ્યું છે.

 (Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)