અમદાવાદ, 24 જૂન, 2026: બંધન બેંકે આજે જાહેરાત કરી કે 2 વર્ષથી લઈને 3 વર્ષથી ઓછી મુદતની ફિક્સ્ડ ડિપોઝિટ (FD) પર વ્યાજદરમાં 20 બેસિસ પોઇન્ટનો વધારો કર્યો છે. આ વધારા બાદ બેંક હવે આ મુદતની FD પર મહત્તમ 7.95 ટકા વ્યાજદર આપી રહી છે. બેંક વરિષ્ઠ નાગરિક ગ્રાહકોને સૌથી વધુ 7.95 ટકા વ્યાજદર ઓફર કરી રહી છે. જ્યારે અન્ય ગ્રાહકોને આ જ મુદતની FD પર 7.45 ટકા વ્યાજ મળશે.
બેંક 5 વર્ષથી ઓછી મુદતની લાંબા ગાળાની ફિક્સ્ડ ડિપોઝિટ પર પણ વરિષ્ઠ નાગરિકોને આકર્ષક 7.75 ટકા વ્યાજદર આપી રહી છે. જ્યારે અન્ય ગ્રાહકોને આ જ મુદતની ડિપોઝીટ પર 7.25 ટકા વ્યાજ મળશે, જે બેંકિંગ ક્ષેત્રમાં ઉપલબ્ધ શ્રેષ્ઠ FD વ્યાજદરોમાંનો એક ગણાય છે.
બંધન બેંક રૂ. 5 લાખથી વધુ અને રૂ. 10 લાખ સુધીના બચત ખાતાના બેલેન્સ પર 6.5 ટકા વ્યાજદર પણ ઓફર કરે છે.
ફિક્સ્ડ ડિપોઝીટના વ્યાજ દરો અને મુદતની વિગતો નીચે મુજબ છેઃ
| મુદતની વિગતો | વરિષ્ઠ નાગરિકો સિવાયના માટે વ્યાજ દર | વરિષ્ઠ નાગરિકો માટે વ્યાજ દર |
| 7 દિવસથી 14 દિવસ | 2.95 ટકા | 3.70 ટકા |
| 15 દિવસથી 30 દિવસ | 2.95 ટકા | 3.70 ટકા |
| 31 દિવસથી 2 મહિનાની અંદરની મુદત | 3.45 ટકા | 4.20 ટકા |
| 2 મહિનાથી 3 મહિનાની અંદરની મુદત | 4.20 ટકા | 4.95 ટકા |
| 3 મહિનાથી 6 મહિનાની અંદરની મુદત | 4.20 ટકા | 4.95 ટકા |
| 6 મહિનાથી 1 વર્ષથી અંદરની મુદત | 4.20 ટકા | 4.95 ટકા |
| 1 વર્ષ | 7.00 ટકા | 7.50 ટકા |
| 1 વર્ષથી 1 વર્ષ 9 મહિના | 7.00 ટકા | 7.50 ટકા |
| 1 વર્ષ 9 મહિના 1 દિવસતી 2 વર્ષની અંદરની મુદત | 7.00 ટકા | 7.50 ટકા |
| 2 વર્ષથી 3 વર્ષની અંદરની મુદત | 7.45 ટકા | 7.95 ટકા |
| 3 વર્ષથી 5 વર્ષની અંદરની મુદત | 7.25 ટકા | 7.75 ટકા |
| 5 વર્ષથી 10 વર્ષ સુધીની મુદત | 5.85 ટકા | 6.60 ટકા |
| ટેક્સ સેવર ફિક્સ્ડ ડિપોઝીટ | 6.25 ટકા | 7.25 ટકા |
બંધન બેંકના ગ્રાહકો રિટેલ ઇન્ટરનેટ બેંકિંગ અથવા mBandhan મોબાઇલ એપ્લિકેશન દ્વારા પોતાના ઘર અથવા ઓફિસમાંથી જ સરળતાથી FD બુક કરાવી અથવા તેમાં રોકાણ કરી શકે છે. આ ઓનલાઈન પ્રક્રિયા દ્વારા ગ્રાહકો માત્ર થોડા જ મિનિટોમાં ઝડપથી અને કોઈપણ ઝંઝટ વિના FD બુક કરી શકે છે.