ટૂ- વ્હિલર્સના વેચાણો 7 વર્ષના તળિયે, પેસેન્જર વાહનોની માગ વધી

અમદાવાદ, 5 એપ્રિલઃ ટૂ- વ્હિલર્સના વેચાણો માર્ચમાં સાત વર્ષના તળિયે પહોંચ્યા છે. જ્યારે ટ્રેક્ટર્સમાં પણ સૌથી ઓછો ગ્રોથ જોવા મળ્યો હતો. ફેડરેશન ઓફ ઓટોમોબાઈલ ડીલર્સ એસોસિએશન (FADA) દ્વારા જારી આંકડાઓ અનુસાર, ટુ વ્હિલર્સના વેચાણો વાર્ષિક ધોરણે માર્ચમાં 12 ટકા વધ્યા છે. પરંતુ પ્રિ-કોવિડ સ્તરેથી 9 ટકા ઘટ્યા છે.

માર્ચ 2023માં, વાહનોના કુલ રિટેલ વેચાણો વાર્ષિક ધોરણે 14% વધ્યા હતા. જેમાં ટ્રેક્ટરને બાદ કરતાં તમામ કેટેગરીમાં ડબલ ડિજિટ ગ્રોથ જોવા મળ્યો હતો. ટુ-વ્હીલર્સ, થ્રી-વ્હીલર્સ, પેસેન્જર વ્હીકલ્સ (PVs) અને કોમર્શિયલ વ્હીકલ્સ (CVs)માં અનુક્રમે 12%, 69%, 14% અને 10% વૃદ્ધિ જોવા મળી હતી, જ્યારે ટ્રેક્ટર્સના વેચાણ માર્ચમાં 4% વધ્યા હતા.

FY23: વાહનોના વેચાણો 21 ટકા વધ્યા

સંપૂર્ણ નાણાકીય વર્ષ 2022-23માં સમાન વલણ જોવા મળ્યું હતું, જેમાં ટ્રેક્ટરનો ગ્રોથ અન્ય સેગમેન્ટથી પાછળ રહ્યો હતો. વર્ષ દરમિયાન એકંદર રિટેલ વેચાણમાં 21%નો ગ્રોથ નોંધાયો હતો. ટુ-વ્હીલર, થ્રી-વ્હીલર, પીવી અને સીવીમાં અનુક્રમે 19%, 84%, 23% અને 33%નો વધારો જોવા મળ્યો હતો. જ્યારે ટ્રેક્ટર્સ સેગમેન્ટમાં વાર્ષિક ધોરણે 8%નો સિંગલ ડિજિટ ગ્રોથ નોંધાયો હતો. વર્ષ દરમિયાન રેકોર્ડ કુલ 8.27 લાખ યુનિટ્સ વેચાયા હતા.

જૂન સુધી વેચાણો વધવાનો આશાવાદ

આગામી મહિનાઓમાં ટ્રેક્ટર અને ટુ વ્હિલર્સના વેચાણો વધવાનો આશાવાદ ફાડા પ્રેસિડન્ટ મનિષ રાજ સિંઘાનિયાએ વ્યક્ત કર્યો છે. જૂલાઈ, ઓગસ્ટમાં અલ નીનોની અસર પણ થશે. FADA ઊંચા આધાર, ફુગાવાના દબાણ, નિયમિત ભાવ વધારા અને નિયમનકારી ફેરફારોને કારણે FY24માં વાહનોના વેચાણો ઘટવાની ભીતિ દર્શાવે છે.

માર્ચ-23માં વાહનોના કુલ વેચાણો

CATEGORY	MAR’23	MAR’22	YoY % (2022)
2W	14,45,867	12,86,109	12.42%
3W	86,857	51,483	68.71%
E-RICKSHAW(P)	37,373	20,756	80.06%
E-RICKSHAW WITH CART (G)	3,250	2,338	39.01%
THREE WHEELER (GOODS)	10,541	8,043	31.06%
THREE WHEELER (PASSENGER)	35,611	20,257	75.80%
THREE WHEELER (PERSONAL)	82	89	-7.87%
PV	3,35,266	2,93,016	14.42%
TRAC	81,067	78,070	3.84%
CV	92,790	84,124	10.30%
LCV	49,745	50,200	-0.91%
MCV	6,050	5,116	18.26%
HCV	33,119	26,247	26.18%
Others	3,876	2,561	51.35%
Total	20,41,847	17,92,802	13.89%