મુંબઈ, 20 જૂન, 2026: મહિન્દ્રા ફાર્મ ઇક્વિપમેન્ટ બિઝનેસે (એફઈબી) 70 લાખ કૃષિ ટ્રેક્ટરનું ઉત્પાદન કરીને એક મહત્વપૂર્ણ સીમાચિહ્ન હાંસલ કર્યું છે.
કંપની ગ્રોમેક્સ બ્રાન્ડ હેઠળ પણ કાર્યરત છે, જે ટ્રેકસ્ટાર અને હિંદુસ્તાન શ્રેણીના ટ્રેક્ટરોનું ઉત્પાદન કરે છે. કંપની પાસે ઉદ્યોગમાં સૌથી વિશાળ ગણાતી ટ્રેક્ટર શ્રેણી છે, જેમાં 350થી વધુ મોડલ અને વિવિધ વેરિઅન્ટ્સનો સમાવેશ થાય છે. આ ઉપરાંત ટ્રેક્ટરથી સંચાલિત અને સેલ્ફ-પ્રોપેલ્ડ ફાર્મ મશીનરીની રેન્જ પણ સતત વિસ્તરી રહી છે.
આ સીમાચિહ્ન મહિન્દ્રા એફઈબીની પ્રોડક્ટ ઇનોવેશન અને વૈશ્વિક સ્તરની ઉત્પાદન ક્ષમતાના મજબૂત પ્રદર્શનને આગળ વધારે છે. નાણાંકીય વર્ષ 2025-26 દરમિયાન કંપનીએ 5.26 લાખથી વધુ ટ્રેક્ટરનું રેકોર્ડ વેચાણ નોંધાવ્યું હતું. આ ઉપરાંત Mahindra 585 YUVO TECH+ V1, Mahindra NOVO પ્રીમિયમ એડિશન અને સ્વરાજ પ્રોટેક જેવા નવા મોડલ લોન્ચ કરવામાં આવ્યા હતા. સાથે જ Mahindra OJA શ્રેણીનું વૈશ્વિક બજારોમાં વિસ્તરણ પણ કરવામાં આવ્યું છે. નાણાંકીય વર્ષ 2026-27 દરમિયાન મહિન્દ્રા એફઈબી 7 નવા ટ્રેક્ટર અને 12 નવા ફીચર્સ રજૂ કરશે, જે નવી મહિન્દ્રા ટ્રેક્ટર રેન્જ અને સ્વરાજ પ્રોટેક રેન્જનો ભાગ હશે.
આ સિદ્ધિ અંગે મહિન્દ્રા એન્ડ મહિન્દ્રા લિમિટેડના ઓટો એન્ડ ફાર્મ ઇક્વિપમેન્ટ બિઝનેસ (એએફએસ)ના સીઈઓ અને એક્ઝિક્યુટિવ ડિરેક્ટર રાજેશ જેજુરિકરે જણાવ્યું હતું કે, “ભારત વિકસિત ભારતના પોતાના વિઝન તરફ આગળ વધી રહ્યો છે ત્યારે કૃષિ ક્ષેત્રમાં પરિવર્તન રાષ્ટ્ર નિર્માણનો મુખ્ય આધાર રહેશે. મહિન્દ્રામાં અમને ગર્વ છે કે અમારા ટ્રેક્ટર્સ ગ્રામ્ય સમુદાયને મજબૂત બનાવી રહ્યા છે અને દેશના લાંબા ગાળાના વિકાસમાં યોગદાન આપી રહ્યા છે. 70 લાખ ટ્રેક્ટરનું આ સીમાચિહ્ન અમારા સૌ માટે ગૌરવની ક્ષણ છે અને અમે ભવિષ્ય માટે મજબૂત પાયો તૈયાર કરવાનું કામ સતત ચાલુ રાખીશું.”
50થી વધુ દેશોમાં હાજરી ધરાવતી મહિન્દ્રા એફઈબી વોલ્યુમની દ્રષ્ટિએ વિશ્વની અગ્રણી ટ્રેક્ટર કંપની છે. ભારત પછી અમેરિકા તેનું બીજું સૌથી મોટું બજાર છે, જ્યાં કંપની ત્રણ દાયકાથી વધુ સમયથી કાર્યરત છે અને તેના બે એસેમ્બલી પ્લાન્ટ પણ છે. પોતાની ઇજનેરી કુશળતા, ડિજિટલ ટેક્નોલોજીના ઉપયોગ અને ખેડૂતોની જરૂરિયાતોની ઊંડી સમજના આધારે મહિન્દ્રા એફઈબી જમીનની તૈયારીથી લઈને પાકની કાપણી પછીની પ્રક્રિયા સુધી સમગ્ર વેલ્યુ ચેઇન માટે સ્માર્ટ એગ્રી મશીનરી સોલ્યુશન્સ વિકસાવી રહી છે, જે તેના વિવિધ કૃષિ સાધન બ્રાન્ડ્સ દ્વારા ઉપલબ્ધ કરાવવામાં આવે છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)