પાર્ક મેડી વર્લ્ડે રૂ. 1260 કરોડના IPO માટે DRHP ફાઇલ કર્યું

અમદાવાદ, 1 એપ્રિલઃ ‘પાર્ક’ બ્રાન્ડ હેઠળ 13 એનએબીએચ એક્રિડેટેડ મલ્ટી-સ્પેશિયાલિટી હોસ્પિટલ્સના નેટવર્કનું સંચાલન કરતાં પાર્ક મેડી વર્લ્ડ લિમિટેડ (“કંપની”)એ બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (“સેબી”)માં તેનું ડ્રાફ્ટ રેડ હેરિંગ પ્રોસ્પેક્ટસ (“ડીઆરએચપી”) ફાઇલ કર્યું છે. કંપની રૂ. 12600 મિલિયન (રૂ. 1260 કરોડ)ના પ્રારંભિક જાહેર ભરણા માટે ઇક્વિટી શેર્સ (પ્રતિ શેર રૂ. 2ની મૂળ કિંમત)ની ઓફર દ્વારા ભંડોળ ઊભું કરવાની યોજના ધરાવે છે.

આ ઓફરમાં રૂ. 9600 મિલિયન (રૂ. 960 કરોડ)ના ઇક્વિટી શેર્સનો ફ્રેશ ઇશ્યૂ (“ફ્રેશ ઇશ્યૂ”) તથા સેલિંગ શેરહોલ્ડર્સ દ્વારા રૂ. 3000 મિલિયન (રૂ. 300 કરોડ)ના ઓફર ફોર સેલ સામેલ છે. (“ઓફર ફોર સેલ”).

પાર્ક મેડી વર્લ્ડ ઉત્તર ભારતમાં બીજા ક્રમની સૌથી મોટી ખાનગી હોસ્પિટલ ચેઇન છે, જેની કુલ 3,000 બેડની ક્ષમતા છે તથા હરિયાણામાં 1,600 બેડ સાથે 30 સપ્ટેમ્બર, 2024 સુધીમાં રાજ્યમાં સૌથી મોટી ખાનગી હોસ્પિટલ ચેઇન છે. (સ્રોતઃ ક્રિસિલ રિપોર્ટ).

રેડ હેરિંગ પ્રોસ્પેક્ટસ દ્વારા ઓફર થનારા ઇક્વિટી શેર્સ બીએસઇ લિમિટેડ (“બીએસઇ”) અને નેશનલ સ્ટોક એક્સચેન્જ ઓફ ઇન્ડિયા (“એનએસઇ”) ઉપર લિસ્ટ થવાની દરખાસ્ત છે. (“લિસ્ટિંગ વિગતો”).

નુવામા વેલ્થ મેનેજમેન્ટ લિમિટેડ, સીએલએસએ ઇન્ડિયા પ્રાઇવેટ લિમિટેડ, ડેમ કેપિટલ એડવાઇઝર્સ લિમિટેડ અને ઇન્ટેન્સિવ ફિસ્કલ સર્વિસિસ પ્રાઇવેટ લિમિટેડ ઇશ્યૂના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)