હીરો મોટર્સનો IPO તા. 16 સપ્ટેમ્બરે ખૂલશે, પ્રાઇસબેન્ડ રૂ.79- 84

અમદાવાદ, 12 સપ્ટેમ્બર: હીરો મોટર્સ લિમિટેડ શેરદીઠ રૂ. 10ની મૂળકિંમત અને રૂ. 79-84ની પ્રાઇસબેન્ડ ધરાવતાં શેર્સના IPO સાથે તા. 16 સપ્ટેમ્બરે મૂડીબજારમાં પ્રવેશી રહી છે. અને IPO 18 સપ્ટેમ્બરે બંધ થશે. રોકાણકારો ઓછામાં ઓછા 178 ઇક્વિટી શૅર અને ત્યારબાદ 178 ઇક્વિટી શૅરના ગુણાંકમાં બિડ (બોલી) લગાવી શકે છે. આ IPOમાં રૂ. 600 કરોડ સુધીના નવા શૅર (ફ્રેશ ઇશ્યૂ) અને પ્રમોટર્સ – ઓ.પી. મુંજાલ હોલ્ડિંગ્સ અને હીરો સાયકલ્સ લિમિટેડ દ્વારા રૂ. 400 કરોડ સુધીના ઇક્વિટી શૅરના વેચાણની ઓફર (ઓફર-ફોર-સેલ)નો સમાવેશ થાય છે.

ચોખ્ખી ઓફરનો 50% હિસ્સો ‘ક્વોલિફાઇડ ઇન્સ્ટિટ્યૂશનલ બાયર્સ’ (QIBs) માટે, 15% હિસ્સો ‘નોન-ઇન્સ્ટિટ્યૂશનલ બિડર્સ’ (NIIs) માટે અને 35% હિસ્સો ‘રિટેલ ઇન્ડિવિજ્યુઅલ બિડર્સ’ (RIIs) માટે ફાળવણી અર્થે ઉપલબ્ધ રહેશે.

IPO યોજવા માટેના મુખ્ય હેતુઓ એક નજરે

કંપનીની કામગીરી અને ઇતિહાસ એક નજરે

કંપનીના પ્રમોટર્સ: પંકજ મુંજાલ, ચારુ મુંજાલ, અભિષેક મુંજાલ અને ઓ પી મુંજાલ હોલ્ડિંગ્સ

કંપની ભારતની અગ્રણી ઓટોમોટિવ ટેક્નોલોજી કંપનીઓમાંની એક છે, જે યુનાઇટેડ સ્ટેટ્સ, યુરોપ, ભારત અને ASEAN ક્ષેત્રમાં ઓટોમોટિવ ઓરિજિનલ ઇક્વિપમેન્ટ મેન્યુફેક્ચરર્સ (OEMs) માટે અત્યંત એન્જિનિયર્ડ પાવરટ્રેન સોલ્યુશન્સની ડિઝાઇન, વિકાસ, ઉત્પાદન અને પુરવઠાના વ્યવસાયમાં સંકળાયેલી છે (સ્ત્રોત – CRISIL રિપોર્ટ).

કંપની સંપૂર્ણ રીતે સંકલિત પાવરટ્રેન સિસ્ટમ્સ પ્રદાતા છે, જે ઇલેક્ટ્રિક અને નોન-ઇલેક્ટ્રિક બંને પ્રકારના પાવરટ્રેન્સ માટે સિસ્ટમ-લેવલ અને કમ્પોનન્ટ-લેવલ પાવરટ્રેન સોલ્યુશન્સની ડિઝાઇન, પ્રોટોટાઇપિંગ, માન્યતા (validating), વિકાસ અને ડિલિવરી જેવી સેવાઓ સહિતના વ્યાપક ઉકેલો પ્રદાન કરે છે.

તેની પ્રોડક્ટ્સ અને સેવાઓનો ઉપયોગ ટુ-વ્હીલર્સ, પર્ફોર્મન્સ ઓટોમોટિવ, ઈ-બાઈક્સ, ઓફ-રોડ વાહનો, ઈલેક્ટ્રિક અને હાઈબ્રિડ કાર, હેવી-ડ્યુટી વાહનો અને ઈલેક્ટ્રિક વર્ટિકલ ટેક-ઓફ એન્ડ લેન્ડિંગ (eVTOL) શ્રેણીઓમાં થાય છે. આ કંપની BMW AG (BMW), Ducati Motor Holding S.P.A. (Ducati), Enviolo International Inc (enviolo), Formula Motorsport Ltd (Formula Motorsport), HUMMINGBIRDEV Inc. (Hummingbird EV), HWA AG (HWA) જેવા વૈશ્વિક ગ્રાહકોની જરૂરિયાતો પૂરી કરે છે. આ ઉપરાંત, તે અગ્રણી વૈશ્વિક ઇલેક્ટ્રિક સાયકલ (e-bike) ઉત્પાદકો અને એરોસ્પેસ જેવી અન્ય મોબિલિટી એપ્લિકેશન્સની જરૂરિયાતો પણ સંતોષે છે.

કંપની એવી કંપનીઓમાંની એક છે જે પ્રીમિયમ ICE (આંતરિક દહન એન્જિન) અને પર્ફોર્મન્સ ICE સેગમેન્ટની જરૂરિયાતો પૂરી કરે છે. આ સેગમેન્ટમાં એવી હાઈ-પર્ફોર્મન્સ ટ્રાન્સમિશન સિસ્ટમ્સની જરૂર હોય છે જે ઘટકોનું વજન ઓછું રાખીને પણ ભારે ટોર્ક (torque)ની જરૂરિયાતોને સંભાળી શકે (સ્ત્રોત – CRISIL રિપોર્ટ). આ કંપની ટેક્નોલોજી અને નવીનતા (innovation) પર આધારિત છે. તેણે પોતાની ડિઝાઈન અને એન્જિનિયરિંગ ક્ષમતાઓ વિકસાવવા તેમજ પોતાની નિપુણતા અને ઉત્પાદન-સેવાની શ્રેણીને વધારવા માટે વૈશ્વિક કંપનીઓ સાથે ટેક્નોલોજી ભાગીદારી કરવામાં નોંધપાત્ર રોકાણ કર્યું છે.

કંપની ‘કન્ટિન્યુઅસલી વેરિયેબલ ટ્રાન્સમિશન’ (CVT), ઇલેક્ટ્રિક વ્હીકલ (“EV”) ટ્રાન્સમિશન, ઇલેક્ટ્રિક મોટર્સ, ઇન્ટિગ્રેટેડ ડ્રાઇવ યુનિટ્સ અને ગિયર સેટ્સના વિકાસ અને ઉત્પાદનમાં તેના નેતૃત્વ માટે જાણીતી છે.

કંપનીની નાણાકીય કામગીરી એક નજરે

લિસ્ટિંગઃ કંપની તેના શેર્સનું એનએસઇ અને બીએસઇ ખાતે લિસ્ટિંગ કરાવવાની દરખાસ્ત ધરાવે છે

લીડ મેનેજર્સઃ ICICI Securities Limited, DAM Capital Advisors Limited અને JM Financial Limited આ ઓફર માટે ‘બુક-રનિંગ લીડ મેનેજર’ છે, અને  KFin Technologies Limited આ ઓફરના ‘રજિસ્ટ્રાર’ છે.

Issue Size of the IPO based on the upper and lower end of the price band

(Disclaimer: The information provided here is investment advice only. Investing in the markets is subject to risks and please consult your advisor before investing)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)