CORPORATE/ BUSINESS NEWS

GSP ક્રોપને CTPRના ઉત્પાદન- વેચાણ માટે દિલ્હી હાઇકોર્ટની મંજૂરી

અમદાવાદ: GSP ક્રોપ સાયન્સને ભારતમાં ઇન્સેક્ટીસાઇડ પ્રોડક્ટ ક્લોરેન્ટ્રાનિલિપ્રોલ (CTPR)નું ઉત્પાદન અને વેચાણ કરવાની મંજૂરી મળી છે. દિલ્હી હાઇકોર્ટે 14 નવેમ્બર 2022ના રોજ એફએમસીની CS (kac) 662/2022 (FMC કોર્પોરેશન વિ. GSP ક્રોપ સાયંસ)માં વચગાળાના મનાઇહુકમની અરજી ફગાવી દેતા GSP માટે CTPR પ્રોડક્ટ લોન્ચ કરવાનો માર્ગ મોકળો થઇ ગયો છે.

હાઇકોર્ટે પ્રાથમિક દ્રષ્ટિએ IN’004 (સ્યુટ પેટન્ટ)ને અગાઉના દાવાના કારણોસર અમાન્ય ઠેરવી હતી અને FMC પર પોતાની ઇજારાશાહી વ્યક્ત કરવાના અને નામદાર કોર્ટ અને પેટન્ટ ઓફિસ પર દબાણ બનાવી રાખવાના પ્રયત્ન સામેની કાર્યવાહી આગળ ધપાવી હતી. આ તાજા હુકમ સાથે, GSP ક્રોપ હવે CTPRનું મેક ઇન ઇન્ડિયા પહેલ હેઠળ ઉત્પાદન અને વેચાણ કરશે.

આ દાવો અમેરિકાની FNC કોર્પોરેશન અને તેની બે જૂથ કંપનીઓ એટલે કે FMC એગ્રો સિંગાપોર પ્રા. લિમીટેડ અને FNC ઇન્ડિયા પ્રા. લિમીટેડ દ્વારા ફાઇલ કરવામાં આવ્યો હતો. જેમાં અન્ય બાબતોની સાથે અમદાવાદ સ્થિત GSP ક્રોપ સાયંસ લિમીટેડ વિરુદ્ધ “સલ્ફોનીલ ક્લોરાઇડ અને પાયરિડીનની હાજરીમાં ઓર્થો-એમિનો એરોમેટિક કાર્બોક્સિલિક એસિડ અને કાર્બોક્સિલિક એસિડમાંથી ફ્યુઝ્ડ ઓક્સાઝિનોન્સ તૈયાર કરવાની પદ્ધતિ”ના શિર્ષક વાળી ભારતીય પેટન્ટ નં. IN252004ના ઉલ્લંઘનને અટકાવવા માટે મનાઇહુકમની માગ કરવામાં આવી હતી. FMC ગ્રુપ કંપનીઝ એગ્રો કેમિકલ્સ સહિત અન્ય કેમિકલ્સના ઉત્પાદન, વેચાણ સાથે સંકળાયેલી છે.

GSP ક્રોપ સાયન્સ પ્રાઇવેટ લિમિટેડ ભારતમાં એગ્રોકેમિકલ્સના જંતુનાશકો, ફૂગનાશકો, હર્બિસાઇડ્સ (પાક સંરક્ષણ સોલ્યુશન્સ) અને પ્લાન્ટ રેગ્યુલેટરની વિશાળ શ્રેણી “ટેકનિકલ” અને ફોર્મ્યુલેશન બનાવે છે.