અદાણી ટ્રાન્સમિશનનો Q3 ચોખ્ખો નફો 73 ટકા વધ્યો

અમદાવાદઃ અદાણી ટ્રાન્સમિશન લિમિટેડે ) તા.૩૧ ડિસેમ્બર, ૨૦૨૨ના રોજ પૂરા થયેલા ક્વાર્ટર માટે ચોખ્ખા નફામાં 73 ટકાની વૃદ્ધિ નોંધાવી છે. નવી ટ્રાન્સમિશન લાઈનો કાર્યરત થવાને કારણે અને ઊર્જાની માંગમાં હકારાત્મક વલણને કારણે નાણાકીય વર્ષ-૨૩ના ત્રીજા ક્વાર્ટરમાં એકીકૃત આવકમાં વર્ષવાર બે આંકડાની ૧૬% વૃદ્ધિ જોવા મળી. ત્રીજા ક્વાર્ટરમાં કોન્સોલિડેટેડ ઓપરેશનલ EBITDA વધીને રૂ. ૧,૩૧૮ કરોડ થયો. વિત્ત વર્ષ-૨૩ના ત્રીજા ક્વાર્ટરમાં, રુ. ૪૭૮ કરોડનો એકીકૃત PAT વાર્ષિક ધોરણે ૭૩% વધુ હતો.આ વધારો મુખ્યત્વે નિયમનકારી હુકમમાંથી એક વખતની આવક દ્વારા આવ્યો હતો. આ સમય ગાળામાં રૂ ૯૫૫ કરોડનો એકીકૃત રોકડ નફો વાર્ષિક ધોરણે ૩૪% વધ્યો હતો.

અદાણી ટ્રાન્સમિશન લિમિટેડના મેનેજીંગ ડાયરેક્ટર અનિલ સરદાનાએ જણાવ્યું હતું કે, “ATL સતત વિકસિત થઈ રહ્યું છે અને તે અગાઉથી જ ટ્રાન્સમિશન અને ડિસ્ટ્રબ્યુશન ક્ષેત્રમાં નોંધપાત્ર ભૂમિકા અદા કરી રહયું છે. પડકારજનક મેક્રોઇકોનોમિક વાતાવરણ હોવા છતાં પણ કંપનીની વૃદ્ધિનો માર્ગ મક્કમ છે.

એકીકૃત નાણાકીય ગતીવિધી

Particulars(Rs Crore)	Q3FY23	Q3FY22	Change YoY %
Revenue	3,037	2,623	15.8%
EBITDA	1,318	1,168	12.9%
Total EBITDA	1,708	1,325	28.9%
PAT	478	277	72.8%
EPS (Rs)	4.26	1.85	130.2%
Cash Profit	955	714	33.8%