Experian શ્વેતપત્રમાં ધિરાણ વિસ્તરણમાં ફિનટેકની ભૂમિકાને પ્રકાશિત કરવામાં આવી

અમદાવાદ,  4 ડિસેમ્બર, 2024: ગુજરાતે રૂ. 10 લાખની ઓછી રકમની બિઝનેસ લોનમાં પ્રભાવશાળી 69% વૃદ્ધિનો અનુભવ કર્યો છે, જે ભારતના વિસ્તરતા સ્મોલ-ટિકિટ ધિરાણ બજારના નિર્ણાયક ખેલાડી તરીકે રાજ્યને મજબૂત બનાવે છે. “સ્મોલ ઇઝ બિગ: હાઉ ફિનટેક્સ આર રિવોલ્યુશનાઇઝિંગ લેંન્ડિંગ (નાનું એ જ મોટું છે: ફિનટેક કંપનીઓ કેવી રીતે ધિરાણમાં ક્રાંતિ લાવી રહી છે)” શીર્ષક ધરાવતા અહેવાલમાં FY’23 ની સરખામણીમાં FY’24 દરમિયાન ગુજરાતની ધિરાણ વૃદ્ધિને હાઇલાઇટ કરવામાં આવી છે, જે ફિનટેક-આધારિત ઉકેલો દ્વારા નાણાકીય સમાવેશમાં રાજ્યની પ્રગતિ દર્શાવે છે.

ગુજરાતનો ફિનટેક માર્કેટ હિસ્સો નોંધપાત્ર છે, જેમાં ફિનટેક ધિરાણકર્તાઓ રૂ. 1 લાખથી ઓછી રકમની લોન માટે પર્સનલ લોન માર્કેટનો 59% અને રૂ. 10 લાખથી ઓછી રકમની લોન માટે બિઝનેસ લોન માર્કેટનો 49% હિસ્સો ધરાવે છે. સ્મોલ-ટિકિટ લોનમાં આ વૃદ્ધિ ગુજરાતમાં ધિરાણના લેન્ડસ્કેપને નવેસરથી આકાર આપી રહી છે, જે ન્યૂ-ટુ-ક્રેડિટ (NTC) વ્યક્તિઓ અને લઘુ વ્યાપારોને આવશ્યક નાણાકીય સુલભતા પ્રદાન કરે છે.

ફિનટેક કંપનીઓએ માર્ચ 2024 સુધીમાં સમગ્ર દેશમાં રૂ. 2,48,006 કરોડની પર્સનલ લોન અને રૂ. 28,607 કરોડની બિઝનેસ લોનની સુવિધા આપી છે. આ લોન, જે મોટેભાગે રૂ. 50,000 થી ઓછી હોય છે, તે મુખ્યત્વે નાની ક્રેડિટ ફાઇલો ધરાવતા લોકો અને સબ-પ્રાઈમ ધિરાણ લેનારાઓ ન્યૂ-ટુ-ક્રેડિટ (NTC) વ્યક્તિઓ સુધી પહોંચી છે, જેમાંથી ઘણાને અગાઉ ઔપચારિક નાણાકીય ધિરાણ પ્રણાલીમાંથી બાકાત રાખવામાં આવ્યા હતા.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)