ઇન્ડિયા શેલ્ટર ફાઇનાન્સનો IPO 13 ડિસેમ્બરેઃ પ્રાઇસબેન્ડ રૂ.469-493

અમદાવાદ, 11 ડિસેમ્બરઃ ઇન્ડિયા શેલ્ટર ફાઇનાન્સ શેરદીઠ રૂ. 5ની ફેસવેલ્યૂ અને રૂ. 469- 4933ની પ્રાઇસબેન્ડ ધરાવતાં કુલ રૂ. 1200.00 કરોડના IPO સાથે તા. 13 ડિસેમ્બરના રોજ મૂડીબજારમાં પ્રવેશી રહી છે. આ ઇશ્યુ રૂ. 800.00 કરોડના 1.62 કરોડ શેરના તાજા ઇશ્યુ અને રૂ. 400.00 કરોડના કુલ 0.81 કરોડ શેરના વેચાણની ઓફરનું સંયોજન છે. ઇશ્યૂ તા. 15 ડિસેમ્બરે બંધ થશે. આઈપીઓ માટેની ફાળવણી સોમવાર 18 ડિસેમ્બરે ફાઈનલ થવાની અપેક્ષા છે. કંપનીના શેર્સ તા. 20 ડિસેમ્બરના રોજ એનએસઇ અને બીએસઇ ખાતે લિસ્ટેડ કરાવવાની દરખાસ્ત ધરાવે છે. અરજી માટે લઘુત્તમ લોટ સાઈઝ 30 શેર છે. છૂટક રોકાણકારો દ્વારા જરૂરી રોકાણની લઘુત્તમ રકમ ₹14790 છે. sNII માટે લઘુત્તમ લોટ સાઇઝનું રોકાણ 14 લોટ (420 શેર) છે જેની રકમ ₹207060 છે અને bNII માટે તે 68 લોટ (2040 શેર) છે જે ₹1005720 જેટલી છે.

લીડ મેનેજર્સઃ ICICI સિક્યોરિટીઝ સિટીગ્રુપ ગ્લોબલ માર્કેટ્સ કોટક મહિન્દ્રા કેપિટલ અને એમ્બિટ પ્રાઈવેટ એ શેલ્ટર ફાઈનાન્સ IPOના બુક રનિંગ લીડ મેનેજર્સ છે જ્યારે Kfin Technologies Limited ઈશ્યૂ માટે રજિસ્ટ્રાર છે.

15 રાજ્યોમાં 183 શાખાઓનું નેટવર્ક ધરાવે છે કંપની

કંપનીની નાણાકીય કામગીરી એક નજરે

1998 માં સ્થપાયેલી ઇન્ડિયા શેલ્ટર ફાઇનાન્સ કોર્પોરેશન લિમિટેડ હાઉસિંગ ફાઇનાન્સના વ્યવસાયમાં રોકાયેલ છે. કંપની ઘરના બાંધકામ વિસ્તરણ નવીનીકરણ અને નવા ઘરો અથવા પ્લોટ ખરીદવા માટે લોન આપે છે. કંપની પ્રોપર્ટી સામે લોન (LAP) પણ આપે છે. કંપની 5 લાખથી રૂ. 50 લાખ સુધીની લોન 20 વર્ષ સુધીના કાર્યકાળ માટે ઓફર કરે છે. 30મી નવેમ્બર 2023 સુધીમાં ઈન્ડિયાશેલ્ટરે રૂ. 5500 કરોડની લોન પરિવારોને તેમના ઘરની માલિકી વિસ્તારવા અથવા સુધારવામાં મદદ કરી છે. કંપની રાજસ્થાન મહારાષ્ટ્ર મધ્યપ્રદેશ કર્ણાટક અને ગુજરાતમાં હાજરી સાથે 15 રાજ્યોમાં ફેલાયેલી 183 શાખાઓનું નેટવર્ક ધરાવે છે. કંપનીની શાખાઓની સંખ્યા 31 માર્ચ 2021 સુધીમાં 115 થી વધીને 31 માર્ચ 2022 સુધીમાં 130 અને 31 માર્ચ 2023 સુધીમાં 183 થઈ ગઈ છે. ઈન્ડિયા શેલ્ટર ફાયનાન્સ કોર્પોરેશન લિમિટેડ પાસે 31 માર્ચ 2023 સુધીમાં 300 થી વધુ કલેક્શન અધિકારીઓની ઇન-હાઉસ ટીમ છે. ગ્રાહકોનો સંતોષ વધારવા માટે ઈન્ડિયા શેલ્ટરે iServe લોન્ચ કરી છે – એક સમર્પિત ગ્રાહક સેવા એપ્લિકેશન જે વર્તમાન ગ્રાહકોના પ્રશ્નો અને ચિંતાઓને સમયસર પૂરી કરે છે.

કંપનીમાંથી લોન લેનારાઓમાં મહિલાઓનું પ્રમાણ 97.5 ટકા

31 માર્ચ 2023 સુધીમાં કંપનીના ઋણ લેનારાઓમાંથી 97.5% મહિલાઓ તરીકે એક અથવા વધુ ઋણ લેનારા હતા અને અમારા 71.3% ગ્રાહકો પ્રથમ વખત હોમ લોન લેનારા હતા.

બિઝનેસ ગુજરાતની દ્રષ્ટિએ કંપનીની કામગીરી એક નજરે

બિઝનેસ ગુજરાત વેબસાઈટમાં આવતાં news updates મેળવવા માટે નીચેની લિંક ઉપર ક્લિક કરી ફોલો કરો

https://whatsapp.com/channel/0029VaDvQgaDOQIYqUTAu20r

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)