મુથૂટ ફાઇનાન્સે રૂ. 26 વચગાળાનું ડિવિડન્ડ જાહેર કર્યું

કોચી, 25 એપ્રિલ: ગોલ્ડ લોન એનબીએફસી મુથૂટ ફાઇનાન્સ લિમિટેડે વર્ષ 2024-25 માટે શેર દીઠ રૂ. 26નું વચગાળાનું ડિવિડન્ડ ચૂકવવાને મંજૂરી આપી છે. વચગાળાનું ડિવિડન્ડ 25 એપ્રિલ, 2025ના રોજ રજિસ્ટ્રાર ઓફ મેમ્બર્સ સમક્ષ જેમના નામો રજૂ થયા છે તેવા શેરધારકોને ચૂકવવામાં આવશે. ડિવિડન્ડ સેબી નિયમનકારી માર્ગદર્શિકા મુજબ જાહેરાતની તારીખના 30 દિવસમાં ચૂકવવામાં આવશે. કંપનીએ તેનો આઈપીઓ આવ્યો અને 2011માં ઇક્વિટી શેર્સનું લિસ્ટિંગ થયું ત્યારથી દર વર્ષે ડિવિડન્ડ ચૂકવ્યું છે અને ત્યારથી અત્યાર સુધી રૂ. 10ની ફેસ વેલ્યુના ઇક્વિટી શેર દીઠ રૂ. 181.50નું ડિવિડન્ડ ચૂકવ્યું છે. આ જાહેરાત અંગે મુથૂટ ફાઇનાન્સના મેનેજિંગ ડિરેક્ટર જ્યોર્જ એલેક્ઝાન્ડર મુથૂટે જણાવ્યું હતું કે મુથૂટ ફાઇનાન્સ દેશમાં સૌથી વિશ્વસનીય ગોલ્ડ લોન એનબીએફસી તરીકે તેની સ્થિતિ મજબૂત બનાવવાનું ચાલુ રાખે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)