છેલ્લા એક કલાકની વેચવાલીના પ્રેશરમાં નિફ્ટી 19600ની નીચે, સેન્સેક્સમાં 610 પોઇન્ટનું ગાબડું

અમદાવાદ, 28 સપ્ટેમ્બરઃ ક્રૂડની કિંમતમાં સતત ઉછાળો, એફએન્ડઓ સમાપ્તિ અને નબળાં વૈશ્વિક સંકેતો પાછળ ભારતીય શેરબજારોમાં જે ભારે વેચવાલીનું વાવાઝોડું ફુંકાયું હતું. જેના કારણે સેન્સેક્સ 610.37 પોઇન્ટના ધોવાણ સાથે 65508.32 પોઇન્ટ બંધ રહ્યો તે પૂર્વે એક તબક્કે નીચામાં 65423 પોઇન્ટની સપાટી સુધી નીચે સરકી ગયો હતો. જેના કારણે રોકાણકારોની મૂડીમાં રૂ. 2.40 લાખ કરોડનું ધોવાણ થયું હતું. નિફ્ટી 192.90 પોઈન્ટ્સ અથવા 0.98 ટકા ઘટીને 19,523.5ની સપાટીએ બંધ રહ્યો હતો. બીએસઇ માર્કેટબ્રેડ્થ પણ નેગેટિવ રહી હતી.

આજના માર્કેટ મોર્નિંગની છેલ્લી બે લાઇન વાંચનારા મિત્રોને ખૂલતાં પહેલાં જ માર્કેટનો અંદાજ આવી ગયો હશે……

માર્કેટબ્રેડ્થ નેગેટિવ રહી

બજાર થોડા દિવસોથી દબાણ હેઠળ રહ્યું છે અને વિદેશી સંસ્થાકીય રોકાણકારો (FII) દ્વારા વેચવાલીનું વલણ ચાલુ રહ્યું છે. માર્કેટમાં વોલેટિલિટી અને ડરના માપદંડ ઇન્ડિયા VIX એ તીવ્ર ઉછાળો આપ્યો હતો.

જો ક્રૂડ 90 USD ના સ્તરથી ઉપર રહેવાનું ચાલુ રાખશે, તો તે ફુગાવા માટે જોખમી બનશે અને ઓપરેશનલ માર્જિનને ઉકાળશે  જિયોજિત ફાઇનાન્સિયલ સર્વિસિસના વડા વિનોદ નાયરે જણાવ્યું હતું.

આઇટી, એફએમસીજી ટોપ લૂઝર્સ રહ્યાઃ IT અને FMCG ટોપ લૂઝર્સમાં હતા. મોટાભાગના ઇન્ડાઇસિસ છેલ્લે ઘટાડા સાથે બંધ રહ્યા હતા.

માર્કેટમાં કડાકા માટેના મુખ્ય કારણો એક નજરે

યુએસ વેસ્ટ ટેક્સાસ ઇન્ટરમીડિયેટ ક્રૂડ ફ્યુચર્સ (WTI) ઓગસ્ટ 2022 પછી પ્રથમ વખત સત્રની શરૂઆતમાં $95 થી ઉપર વધ્યા પછી, 24 સેન્ટ વધીને $93.92 પ્રતિ બેરલ પર હતા. વૈશ્વિક બેન્ચમાર્ક, બ્રેન્ટ ક્રૂડ ફ્યુચર્સ 36 સેન્ટ વધીને $96.91 પ્રતિ બેરલ હતા. ક્રૂડ ઓઈલની વધતી કિંમતોથી પ્લાસ્ટિક, પેઇન્ટ, ફાર્મા સહિતના સંખ્યાબંધ ઉદ્યોગો  માટે નેગેટિવ બની શકે છે અને કંપનીઓને નફાકારકતા અને માર્જિનને નુકસાન થવાની સંભાવના છે. આનાથી દલાલ સ્ટ્રીટ પર મૂડ ખરાબ થઈ ગયો છે.

NSE સૂચકાંકોની અર્ધ-વાર્ષિક સમીક્ષા દિવસના અંતથી અમલમાં આવી હોવાથી, સંબંધિત શેરોમાં ઈનફ્લો અને આઉટફ્લોના કારણે ભાવમાં ઘટાડો થયો હતો. NTPC $45 મિલિયનનો આઉટફ્લો જોઈ શકે છે, ત્યારબાદ પેજ ઇન્ડસ્ટ્રીઝ ($28 મિલિયન), HDFC AMC ($25 મિલિયન), ઇન્ડસઇન્ડ બેંક ($23 મિલિયન), ACC ($19 મિલિયન), ઇન્ડસ ટાવર ($14 મિલિયન), અને અદાણી પોર્ટ્સ ($14 મિલિયન)ની શક્યતા છે.

ભારત VIX માં લગભગ 11 ટકા જેટલો વધારો દર્શાવે છે જે 10.68 પર બંધ થયો હતો. જોકે, આજે સપ્ટેમ્બરના કોન્ટ્રાક્ટની સમયસીમા સમાપ્ત થતાં થોડી અસ્થિરતાની અપેક્ષા હતી, તેમ છતાં બંધ તરફની તીવ્ર ચાલ આશ્ચર્યજનક હતી.

નિફ્ટીએ નોંધપાત્ર કરેક્શનનો અનુભવ કર્યો છે કારણ કે તે 19,750ની ઉપરની સપાટી જાળવી રાખવામાં નિષ્ફળ ગયો છે. ડેઇલી સહિતના ચાર્ટ્સ ઉપર કેન્ડલની સ્થિતિ નેગેટિવ રહી છે. જે  પ્રવર્તમાન સેન્ટિમેન્ટ દરમિયાન વેચાણની તરફેણ કરે છે. નિફ્ટી 19,250 તરફ ઘટી શકે છે, તાત્કાલિક સપોર્ટ 19,450 પર સ્થિત છે. રેઝિસ્ટન્સ 19,600 પર હોવાનું મોટાભાગના બજાર નિષ્ણાતો માની રહ્યા છે.