IRFC, RVNLના શેરોમાં આ મહિને 20 ટકાથી વધુ કરેક્શન, જાણો બ્રોકરેજ વ્યૂહ
અમદાવાદ, 29 ફેબ્રુઆરીઃ ઈન્ડિયન રેલવે ફાઈનાન્સ કોર્પોરેશ લિ. (IRFC) અને રેલ વિકાસ નિગમ લિ. (RVNL)ના શેરમાં વાર્ષિક ત્રિપલ ડિજિટમાં રિટર્ન છૂટ્યા બાદ છેલ્લા એક માસથી શેર કરેક્શન મોડ પર ટ્રેડ થઈ રહ્યા છે. આઈઆરએફસીનો શેર 29 જાન્યુઆરીએ 170.85ના સ્તરેથી 14.40 ટકા ઘટાડે 146.20 પર ટ્રેડ થઈ રહ્યો છે. જ્યારે આરવીએનએલનો શેર 29 જાન્યુઆરીએ 298.95ના સ્તરેથી 18.15 ટકા તૂટી 244.70 પર પહોંચ્યો છે.
આજે ગુરૂવારના ટ્રેડિંગ સેશનમાં આરવીએનએલ અને આઈઆરએફસીના શેરમાં 5 ટકા સુધીનો કડાકો નોંધાયો છે. જાન્યુઆરીમાં આ બંને શેરોમાં 75 ટકાથી વધુ ઉછાળો જોવા મળ્યો હતો.
કરેક્શન હોવા છતાં, RVNL ના શેર 37.15 ગણા એક-વર્ષના ફોરવર્ડ પ્રાઇસ-ટુ-અર્નિંગ મલ્ટિપલ પર ટ્રેડિંગ કરી રહ્યા છે, જે તેની પાંચ વર્ષની સરેરાશ પ્રાઈસ ટુ અર્નિંગ 17.44 ગણા કરતાં વધુ છે. ₹345.5ના તેના રેકોર્ડ ઉચ્ચ સ્તરે, શેરે 47 વખત પ્રાઈસ ટુ અર્નિંગ મલ્ટીપલ પર ટ્રેડ થઈ રહ્યા છે. RVNLના શેરે તેની ટોચ પરથી 27% સુધી ઘટાડો નોંધાવ્યો છે.
IRFC, જે જાન્યુઆરી 2021માં લિસ્ટ થયેલ છે, તે વર્તમાન વર્ષના પ્રાઇસ-ટુ-અર્નિંગ મલ્ટિપલ પર 29.65 ગણા ટ્રેડિંગ કરી રહી છે, જે તેના ત્રણ વર્ષના સરેરાશ ગુણાંક 11.7 ગણાથી પણ વધુ છે. ₹192.8ની તેની ટોચની કિંમતે, IRFC શેર્સે 37 ગણા પ્રાઈસ ટુ અર્નિંગ ગુણાંક પર ટ્રેડ થઈ રહ્યો છે. તેની ટોચ પરથી, IRFC એ 25% સુધી કરેક્શન નોંધાવ્યું છે.
તેની ટોચ પરથી કરેક્શન આવ્યા પછી પણ, IRFCના શેર હજુ પણ તેમના IPOના ભાવથી 5 ગણા વધારે છે. RVNLના શેર પાંચ વર્ષના સમયગાળામાં તેમના ₹19ના IPOના ભાવથી લગભગ 14 ગણા વધારે છે.
વિલિયમ ઓ’નીલના મયુરેશ જોષીએ જણાવ્યું હતું કે,”અમે આમાંથી કેટલાક શેરો જેમ કે IRFC, RVNL, Railtelને અમારા પોર્ટફોલિયોમાં હોલ્ડ કર્યા છે. જેમાં નીચા ધોરણે ખરીદી પણ વધારી છે. જો કે, નવા રોકાણકારોએ પુલબેકની રાહ જોવી પડશે, કારણ કે તેમાં હજી વધુ કરેક્શન જોવા મળી શકે છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
