ઓગસ્ટમાં સેન્સેક્સ 1696 પોઈન્ટ તૂટ્યોઃ સપ્ટેમ્બરની શરૂઆતમાં 555 પોઈન્ટ ઉછળ્યો
રોકાણકારોએ રૂ. 2.93 લાખ કરોડ ગુમાવ્યા બાદ સપ્ટેમ્બરમાં સુધારો…
નિફ્ટી સાત દિવસ બાદ 19400ની સાયકોલોજિકલ સપાટી પર બંધ
અમદાવાદ, 1 સપ્ટેમ્બરઃ ઓગસ્ટમાં મોટાપાયે વેચવાલીનો માહોલ સર્જાયા બાદ 1લી સપ્ટેમ્બરે જ રોકાણકારોની મૂડીમાં રૂ. 2.82 લાખ કરોડનો વધારો થતાં રોકાણકારોએ રાહતનો શ્વાસ લીધો હતો. ઓગસ્ટ માસમાં સેન્સેક્સ 1696.26 પોઈન્ટ, જ્યારે નિફ્ટીમાં 500 પોઈન્ટનું ગાબડું થયુ હતું. જો કે, સપ્ટેમ્બરના પ્રથમ દિવસે જ સેન્સેક્સ 555.75 પોઈન્ટ ઉછળી 65387.16 અને, નિફ્ટી પણ 181.50 પોઈન્ટના ઉછાળા સાથે 19435.30ની સપાટીએ બંધ રહ્યો હતો.
શેરબજારના રોકાણકારોએ ઓગસ્ટમાં 2.93 લાખ કરોડની મૂડી ગુમાવી હતી. જિઓ-પોલિટિકલ ક્રાઈસિસ, વૈશ્વિક આર્થિક પડકારો અને પ્રોફિટ બુકિંગના ભાગરૂપે ઓગસ્ટ માસમાં વેચવાલીનું પ્રેશર વધ્યું હતું. આજે બજાર વધવા પાછળનું કારણ સાર્વત્રિક લેવાલીનો માહોલ હતો. અમેરિકાના રોજગારીના પોઝિટીવ આંકડાઓ અને ચીનમાં ઔદ્યોગિક ઉત્પાદનો વધ્યા હોવાના અહેવાલોના પગલે આજે શેરબજારો ગ્રીન ઝોનમાં રહ્યા હતા.
સેલ ઈન ઓગસ્ટ
વિગત | 31-7-23 | 31-8-23 | ઘટાડો |
સેન્સેક્સ | 66527.67 | 54831.41 | -1696.26 |
નિફ્ટી | 19753.80 | 19253.80 | -500.00 |
જિઓ ફાઈ.ના શેરમાં અપર સર્કિટ
જિઓ ફાઈનાન્સિયલ સર્વિસિઝના શેર આજે 4.99 ટકા અપર સર્કિટ સાથે 245.30ની સપાટીએ પહોંચ્યા હતા. આજે જિઓ ફાઈનાન્સના શેર એસએન્ડપી બીએસઈ ઈન્ડાઈસિસમાંથી દૂર કરાયા બાદ વોલ્યૂમ વધ્યા હતા. સેન્સેક્સ પેકના 30 શેરો પૈકી એલએન્ડટી, સન ફાર્મા, અલ્ટ્રાટેક સિમેન્ટ, નેસ્લે સિવાયના તમામ 26 શેરોમાં સુધારો જોવા મળ્યો હતો. જેમાં એનટીપીસી સૌથી વધુ 4.84 ટકા ઉછળ્યો હતો.
સ્મોલકેપ, મિડકેપ અને ટેલિકોમ્યુનિકેશન ઈન્ડેક્સ ઓલ ટાઈમ હાઈ
સુધારાના માહોલ વચ્ચે આજે સ્મોલકેપ, મિડકેપ અને ટેલિકોમ્યુનિકેશન ઈન્ડેક્સ સર્વોચ્ચ ટોચે પહોંચ્યો હતો. ટેલિકોમ સેગમેન્ટમાં રેલટેલ 15.98 ટકા, એમટીએનએલ 11.55 ટકા, વોડાઆઈડિયા 10.83 ટકા ઉછળ્યો હતો. મિડકેપ સેગમેન્ટમાં ભેલ સૌથી વધુ 12.20 ટકા, આઈઆરએફસી 10.83 ટકા અને સ્મોલકેપ સેગમેન્ટમાં રોસેલ ઈન્ડિયા 16.50 ટકા, પોકરણ 16.38 ટકા ઉછળ્યો હતો.
સેક્ટોરલ ઈન્ડેક્સ ઐતિહાસિક ટોચે
ઈન્ડેક્સ | ઓલટાઈમ હાઈ | બંધ | ઉછાળો |
સ્મોલકેપ | 37460.24 | 37420.53 | 0.75 ટકા |
મિડકેપ | 31461.26 | 31435.62 | 0.75 ટકા |
ટેલિકોમ | 2002.08 | 1993.42 | 2.73 ટકા |