રિયલ એસ્ટેટ ટ્રેન્ડઃ અમદાવાદમાં 81 ટકા લોકો ફ્લેટને પ્રાધાન્ય આપે છે

અમદાવાદઃ કોરોના મહામારી બાદ રિયલ એસ્ટેટના હાઉસિંગ સેગમેન્ટમાં મજબૂત માગ જોવા મળી છે. જેમાં લોકો સુરક્ષા અને બજેટને પ્રાધાન્ય આપતાં ટેનામેન્ટ કે વિલાને બદલે મલ્ટીસ્ટોરી એપાર્ટમેન્ટ (ફ્લેટ)ને પ્રાધાન્ય આપતા નજરે ચડે છે. અમદાવાદમાં 81 ટકા લોકોએ મલ્ટીસ્ટોરી એપાર્ટમેન્ટ માટે વિશે માહિતી મેળવી જ્યારે માત્ર 17 ટકા લોકોએ સ્વતંત્ર ઘર કે વિલા અંગે પુછપરછ કરી હોવાનો રિપોર્ટ મેજીકબ્રિક્સના રિપોર્ટમાં દર્શાવ્યું છે. ઘરની લે-વેચ માટેનું ઓનલાઈન પ્લેટફોર્મ મેજીકબ્રિક્સના ‘2022માં પ્રોપર્ટી માટે ભારતીયોની પસંદગી’ શીર્ષક હેઠળના રિપોર્ટમાં દર્શાવ્યું છે કે, અમદાવાદમાં 62 ટકા લોકોએ 3બીએચકે, જ્યારે 32 ટકા લોકોએ 2બીએચકે ઘર વિશે સર્ચ કર્યું હતું. જેમાં 35 ટકા લોકોએ 1000થી 1500 ચોરસફૂટની પ્રોપર્ટીમાં રૂચિ દર્શાવી હતી. બજેટ સેગમેન્ટમાં 25 ટકા લોકોએ 25થી 50 લાખ સુધીના અને 25 ટકા લોકોએ 50થી 75 લાખના ઘરને પ્રાથમિકતા આપી હતી. સાઉથ બોપલ, શેલા, સેટેલાઈટ, ગોતા અને એસજી હાઈવેમાં સૌથી વધુ ઘરની ખરીદી થઈ હતી. બેંગલુરુ, મુંબઈ અને પુણે પ્રોપર્ટીઝ ખરીદવા માટે ભારતના સૌથી વધુ સર્ચ કરાયેલા શહેરો તરીકે ઉભરી આવ્યા છે. આશરે 80% સંભવિત ઘર ખરીદનારાઓએ 2022માં એપાર્ટમેન્ટની શોધ કરી હતી જે 2021માં 67% હતી. મેજીકબ્રિક્સના સીઈઓ સુધીર પાઈએ રિપોર્ટ અંગે જણાવ્યું હતું કે, 2022 એ ભારતીય રેસિડેન્શિયલ માર્કેટ માટે મજબૂત રિકવરી અને ગ્રોથનું વર્ષ રહ્યુ હતું. જેમાં રેસિડેન્શિયલ પ્રોપર્ટીની માગ અને પુરવઠામાં વધારો જોવા મળ્યો છે.  મોટાભાગે પરવડે તેવા અને મધ્યમ સેગમેન્ટમાં રહેઠાણોની માંગમાં ટકાઉ ગ્રોથ જોવા મળ્યો હતો. 2023માં ટીઅર-2 શહેરોમાં વધતી જતી માગને ધ્યાનમાં રાખતાં મોટાપાયે માગ રહેવાની શક્યતા દર્શાવે છે. નવા પ્રોજેક્ટ લોન્ચિંગમાં પણ વધારો થશે.

20 હજારથી ઓછું ભાડું ધરાવતા ઘરની માગ વધુ

રેસિડેન્શિયલ રેન્ટલ માર્કેટમાં મહિને રૂ. 20 હજારથી ઓછુ ભાડું ધરાવતા ઘરોની માગ વધુ 42 ટકા રહી હતી. જ્યારે 40 ટકા લોકોએ 20થી 40 હજાર સુધીનું ભાડુ ધરાવતા ઘરની પસંદગી કરી હતી. ભાડેપટ્ટે લેવામાં આવતા ઘરોમાં 2BHKની માગ 46 ટકા, 3BHK (35%) અને 1BHK (19%) રહી હતી. 55 ટકા લોકોએ સેમી ફર્નિશ્ડ અને 30 ટકા લોકોએ નોન ફર્નિશ્ડ પ્રોપર્ટી પસંદ કરી હતી.

દેશના ટોચના શહેરોમાં મલ્ટીસ્ટોરી એપાર્ટમેન્ટની માગ