ટાટા ગ્રૂપ ટાટા પ્લેનો બાકીનો 20% હિસ્સો ખરીદવાની ચર્ચામાં, 1 અબજ ડોલરમાં ડીલ થશે

અમદાવાદ, 5 ઓક્ટોબરઃ ટા ગ્રૂપ અને સિંગાપોરની સ્ટેક ઈન્વેસ્ટર ટીમાસેક વચ્ચે ટાટા પ્લે લિમિટેડમાં લગભગ 20% હિસ્સો ખરીદવાની ચર્ચા અંતિમ તબક્કામાં છે. એક અહેવાલમાં જણાવાયું છે.

ટાટા ગ્રૂપ ટાટા પ્લેમાં લગભગ 20% હિસ્સો પાછો ખરીદવા માટે ટેમાસેક હોલ્ડિંગ્સ Pte સાથે વાટાઘાટો કરી રહ્યું હોવાનું બ્લૂમબર્ગ ન્યૂઝે અહેવાલ આપ્યો છે. આ સોદો 1 અબજ ડોલરથી વધુ કિંમતમાં થઈ શકે છે.

ટાટા પ્લે એ ટાટા ગ્રૂપ અને વોલ્ટ ડિઝની કંપનીની ટ્વેન્ટી-ફર્સ્ટ સેન્ચ્યુરી ફોક્સ ઇન્ક વચ્ચેનું સંયુક્ત સાહસ છે જે સેટ-ટોપ બોક્સ દ્વારા પે ટેલિવિઝન અને તેની એપ્લિકેશન દ્વારા ઓવર-ધ-ટોપ વિડિયો સ્ટ્રીમિંગ પ્રદાન કરે છે. તે સમગ્ર ભારતમાં 23 મિલિયન કનેક્શન ધરાવે છે.

જુલાઈમાં, બ્લૂમબર્ગે અહેવાલ આપ્યો હતો કે ટાટા ગ્રૂપ ટાટા પ્લેમાં ટેમાસેકનો લગભગ 20% હિસ્સો પાછો ખરીદવાની ઓફર કરવા વિચારી રહ્યું છે.

ટાટા ગ્રૂપને ટાટા પ્લે માટે આઈપીઓ (IPO) સાથે આગળ વધવા માટે નિયમનકારી મંજૂરીઓ મળી હતી, પરંતુ તે વિલંબમાં પડી રહી હતી, આ બાબતથી પરિચિત લોકોએ તે સમયે બ્લૂમબર્ગને જણાવ્યું હતું.