ક્રિએટિવ ગ્રાફિક્સ સોલ્યુશન્સનો IPO 28 માર્ચે ખૂલશેઃ પ્રાઇસબેન્ડ રૂ.80-85

અમદાવાદ, 26 માર્ચ: સંકલિત પેકેજિંગ ઇકોસિસ્ટમ કંપની ક્રિએટિવ ગ્રાફિક્સ સોલ્યુશન્સ ઇન્ડિયા લિમિટેડનો IPO 28 માર્ચે રોજ ખૂલશે. એન્કર પોર્શન 27 માર્ચે બંધ થશે. ઇશ્યૂ 4 એપ્રિલે બંધ થશે. કંપની ઓફરિંગમાંથી આશરે રૂ. 54.4 કરોડ (અપર પ્રાઇઝ બેન્ડ ઉપર) ઊભા કરવાની તથા એનએસઇ ઇમર્જ ઉપર લિસ્ટ થવાની યોજના ધરાવે છે. ઇશ્યૂની પ્રાઇસબેન્ડ રૂ. 80-85 નિર્ધારિત કરાઇ છે તેમજ લોટ સાઇઝ 1,600 ઇક્વિટી શેર્સ રહેશે. આરએચપી ડોક્યુમેન્ટ મૂજબ કંપની IPOમાંથી ઊભા કરાયેલા ભંડોળનો ઉપયોગ કાર્યકારી મૂડીની જરૂરિયાતોને પૂર્ણ કરવા, કંપનીના ધિરાણના કેટલાંક હિસ્સા અથવા સંપૂર્ણ હિસ્સાની પુનઃચૂકવણી માટે, મૂડી ખર્ચ માટે, હસ્તાંતરણ દ્વારા ઇનઓર્ગેનિક વૃદ્ધિ માટે તથા કોર્પોરેટના સામાન્ય હેતુઓ માટે કરાશે.

લીડ મેનેજર્સઃ

કોર્પોરેટ કેપિટલ વેન્ચર્સ ઇશ્યૂના બુક રનિંગ લીડ મેનેજર તથા બિગશેર સર્વિસિસ પ્રાઇવેટ લિમિટેડ ઇશ્યૂના રજીસ્ટ્રાર છે.

કંપનીની કામગીરી એક નજરેઃ

ક્રિએટિવ ગ્રાફિક્સ ડિજિટલ ફ્લેક્સો પ્લેટ્સ, કન્વેન્શનલ ફ્લેક્સો પ્રિન્ટિંગ પ્લેટ્સ, લેટર પ્રેસ પ્લેટ્સ, મેટલ બેક પ્લેટ્સ અને કોટિંગ પ્લેટ્સ સહિતના ફ્લેક્સોગ્રાફિક પ્રિન્ટિંગ પ્લેટન્સના ઉત્પાદનમાં નિપૂણતા ધરાવે છે. કંપની ભારત, થાઇલેન્ડ, કતાર, કુવૈત, નેપાળ અને આફ્રિકામાં ગ્રાહકોને સેવા પ્રદાન કરે છે. તે નોઇડા (ઉત્તર પ્રદેશ), વસઇ, પૂણે (મહારાષ્ટ્ર), ચેન્નઇ (તમિળ નાડુ), બડ્ડી, (હિમાચલ પ્રદેશ), હૈદરાબાદ (તેલંગાણા) અને અમદાવાદ (ગુજરાત)માં ઉત્પાદન સુવિધાઓ ધરાવે છે.

કંપનીની નાણાકીય કામગીરી એક નજરેઃ

કંપનીએ વર્તમાન નાણાકીય વર્ષમાં 30 સપ્ટેમ્બર, 2023ના રોજ સમાપ્ત થયેલાં પ્રથમ અર્ધવાર્ષિકગાળામાં રૂ. 48.07 કરોડની આવક અને રૂ. 7.24 કરોડનો પીએટી નોંધાવ્યો છે. નાણાકીય વર્ષ 2022-23માં કંપનીની આવકો રૂ. 90.14 કરોડ અને પીએટી રૂ. 8.64 કરોડ હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)