હેસ્ટર બાયોસાયન્સિસનો Q3 કોન્સોલિડેટેડ ચોખ્ખો નફો વાર્ષિક 184% વધી રૂ. 11.41 કરોડ
અમદાવાદ, 31 જાન્યુઆરી: એનિમલ હેલ્થ કંપની, હેસ્ટર બાયોસાયન્સિસ લિમિટેડે ડિસેમ્બર 2024માં પૂરા થયેલા નાણાકીય વર્ષ 2024-25ના ત્રીજા ક્વાર્ટરમાં રૂ. 11.41 કરોડનો કોન્સોલિડેટેડ ચોખ્ખો નફો નોંધાવ્યો છે, ગત વર્ષે સમાનગાળામાં ચોખ્ખો નફો રૂ. 4.02 કરોડ રહ્યો હતો. વાર્ષિક ધોરણે નેટ પ્રોફિટમાં 184% વૃદ્ધિ થઈ છે. ડિસેમ્બર 2024માં પૂરા થયેલા ક્વાર્ટર દરમિયાન EBITDA વાર્ષિક ધોરણે 12% વધી રૂ. 13.85 કરોડ થયો હતો, જે ક્વાર્ટર Q3FY24માં રૂ. 12.35 કરોડ હતો. કંપનીએ Q3FY25 માટે રૂ. 63.22 કરોડની ઓપરેશન્સની આવક નોંધાવી હતી. Q3FY25નો ઈપીએસ રૂ. 13.41 પ્રતિ શેર નોંધાયો હતો.
કંપનીના જણાવ્યા પ્રમાણે, એવિયન ઈન્ફલ્યુએન્ઝા રસીનું આગામી લોન્ચિંગ, જે આ વર્ષે રિલીઝ થવાનું છે, તે પોલ્ટ્રી હેલ્થકેર ડિવિઝનની કામગીરીમાં નોંધપાત્ર વધારો કરશે અને નિકાસની નવી તકો ઉભી કરશે તેવી અપેક્ષા છે. વધુમાં, અમે પેટકેર ડિવિઝનના વિસ્તરણને પ્રાથમિકતા આપવાનું ચાલુ રાખશે.
Consolidated Financial Highlights
| Particulars | Q3 | 9M | ||||
| FY25 | FY24 | Change % | FY25 | FY24 | Change % | |
| Revenue | 63.22 | 66.98 | -6% | 229.18 | 224.23 | 2% |
| Gross Profit Margin | 43.59 | 46.34 | -6% | 161.60 | 149.89 | 8% |
| EBITDA | 13.85 | 12.35 | 12% | 55.53 | 48.35 | 15% |
| EBITDA% | 22% | 18% | 4% | 24% | 21% | 3% |
| PAT | 11.41 | 4.02 | 184% | 27.29 | 14.77 | 85% |
| EPS (In ₹, not annualized) | 13.41 | 4.73 | 184% | 32.07 | 17.36 | 85% |
FY25ના પહેલા 9 મહિનાના પરિણામો
ચાલુ નાણાકીય વર્ષમાં કંપનીએ ડિસેમ્બર 2024માં પૂરા થયેલા 9 મહિનામાં રૂ. 27.29 કરોડનો ચોખ્ખો નફો નોંધાવ્યો છે, જ્યારે નાણાકીય વર્ષ 2024ના પહેલા 9 મહિનામાં રૂ. 14.77 કરોડનો ચોખ્ખો નફો થયો હતો, જે 85%ની વૃદ્ધિ બતાવે છે. કંપનીએ આ ગાળા માટે રૂ. 229.18 કરોડની ઓપરેશન્સની આવક નોંધાવી હતી અને તેમાં વાર્ષિક ધોરણે 2% વધારો થયો છે. ડિસેમ્બર 2024માં પૂરા થયેલા ત્રણ ક્વાર્ટર દરમિયાન EBITDA રૂ. 55.53 કરોડ પર પહોંચ્યો હતો જે ગત વર્ષના સમાનગાળાના રૂ. 48.35 કરોડ કરતાં 15% વૃદ્ધિ દર્શાવે છે. FY25ના ત્રણ ક્વાર્ટરમાં ઈપીએસ રૂ. 32.07 પ્રતિ શેર નોંધાયો હતો.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
