એક્સિસ બેંકે નિફ્ટી500 મોમેન્ટમ 50 ETF લોન્ચ કર્યું

મુંબઈ, 17 માર્ચ: એક્સિસ મ્યુચ્યુઅલ ફંડે નવા એક્સચેન્જ ટ્રેડેડ ફંડ (ઇટીએફ) એક્સિસ નિફ્ટી500 મોમેન્ટમ 50 ઇટીએફ માટે ન્યૂ ફંડ ઓફરના લોન્ચની જાહેરાત કરી છે. આ ઇટીએફ રોકાણકારોને મોમેન્ટમ આધારિત વ્યૂહરચના થકી ભારતીય ઇક્વિટી બજારોમાં ટાર્ગેટેડ એક્સપોઝર પૂરું પાડવા માટે બનાવવામાં આવ્યું છે.

આ સ્કીમ સંબંધિત ઇન્ડેક્સ ધરાવતા સ્ટોક્સમાં રોકાણ કરશે અને બેન્ચમાર્ક ઇન્ડેક્સને ટ્રેક કરશે. આ સ્કીમ તરલતા અને ખર્ચ જરૂરિયાતોને પહોંચી વળવા માટે નિયમનોના અનુપાલનમાં અને એસેટ એલોકેશન પેટર્નને અનુરૂપ રહીને ડેટ અને મની માર્કેટ ઇન્સ્ટ્રુમેન્ટ્સમાં રોકાણ કરી શકે છે. આ ઉપરાંત, સ્કીમ ઇન્ડેક્સ મુજબ એ જ રેશિયોમાં જે-તે ઇન્ડેક્સનો ભાગ બનાવતા શેરોમાં શક્ય એટલી મર્યાદામાં અને પેસિવ ઇન્વેસ્ટમેન્ટ સ્ટ્રેટેજીને અનુસરવાની મર્યાદામાં રોકાણ કરશે, સિવાય કે તરલતાની જરૂરિયાતો અને ખર્ચની જરૂરિયાતોની મર્યાદા ન હોય.

આ ફંડ એ ઓપન એન્ડેડ ઇટીએફ છે જે અરજી દીઠ રૂ. 500ના લઘુતમ રોકાણ અને ત્યારબાદ રૂ. 1ના ગુણાંક સાથે સબ્સ્ક્રીપ્શન માટે ઉપલબ્ધ છે. એક્સિસ નિફ્ટી500 મોમેન્ટમ 50 ઇટીએફ એનએસઈ અને બીએસઈ પર લિસ્ટ કરવામાં આવશે. એક્સિસ નિફ્ટી500 મોમેન્ટમ 50 ઇટીએફ માટેનો એનએફઓ 13 માર્ચ 2025ના રોજ ખૂલશે અને 18 માર્ચ 2025ના રોજ બંધ થશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)