અર્બન કંપનીએ IPO દ્વારા રૂ. 1900 કરોડ એકત્ર કરવા માટે DRHP ફાઇલ કર્યું

અમદાવાદ, 1 મેઃ વિવિધ હોમ અને બ્યુટી કેટેગરીમાં ગુણવત્તા આધારિત સેવાઓ અને ઉકેલો માટે ટેક્નોલોજી-સંચાલિત, ફુલ-સ્ટેક ઓનલાઇન સર્વિસિસ માર્કેટપ્લેસ અર્બન કંપનીએ બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી) સાથે ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. કંપની રૂ. 19000 મિલિયન (રૂ. 1900 કરોડ) સુધીનું ભંડોળ એકત્ર કરવા માટે પ્રારંભિક જાહેર ભરણા (IPO) દ્વારા ઇક્વિટી શેર્સ (પ્રતિ શેર રૂ. 1 મૂળ કિંમત) ઓફર કરવાની યોજના ધરાવે છે.

આ ઓફરમાં રૂ. 4290 મિલિયન (રૂ. 429 કરોડ) (ફ્રેશ ઇશ્યૂ) સુધીના ઇક્વિટી શેર્સનો ફ્રેશ ઇશ્યૂ તથા સેલિંગ શેરહોલ્ડર દ્વારા રૂ. 14710 મિલિયન (રૂ. 1471 કરોડ) (ઓફર ફોર સેલ)નો ઓફર ફોર સેલ સામેલ છે.

કંપનીના પ્રમોટર અભિરાજ સિંહ ભાલ (ચેરપર્સન, મેનેજિંગ ડિરેક્ટર અને ચીફ એક્ઝિક્યુટિવ ઓફિસર), રાઘવ ચંદ્રા (એક્ઝિક્યુટિવ ડિરેક્ટર અને ચીફ ટેક્નોલોજી એન્ડ પ્રોડક્ટ ઓફિસર) અને વરૂણ ખેતાન (એક્ઝિક્યુટિવ ડિરેક્ટર અને ચીફ ઓપરેટિંગ ઓફિસર) છે.

31 ડિસેમ્બર, 2024 સુધી કંપની ભારત, યુનાઇટેડ આરબ અમિરાત (યુએઇ), સિંગાપોર અને કિંગ્ડન ઓફ સાઉદી અરેબિયા (કેએસએ)ના 59 શહેરોમાં કાર્યરત છે, જેમાંથી 48 શહેરો ભારતના છે. કંપનીનું પ્લેટફોર્મ ગ્રાહકોને ક્લિનિંગ, પેસ્ટ કંટ્રોલ, ઇલેક્ટ્રિશિયન, પ્લમ્બિંગ, કાર્પેન્ટરી, એપ્લાયન્સ સર્વિસિંગ અને રિપેર, પેઇન્ટિંગ, સ્કીનકેર, હેર ગ્રૂમિંગ અને મસાજ થેરાપી સહિતની સરળતાથી ઓર્ડર કરાતી સેવાઓ માટે સક્ષમ કરે છે. આ સેવાઓ ગ્રાહકોની અનુકૂળતા મૂજબ પ્રશિક્ષિત અને સ્વતંત્ર સર્વિસ પ્રોફેશનલ્સ દ્વારા ડિલિવર કરાય છે. નાણાકીય વર્ષ 2023 અને 2024માં અર્બન કંપનીએ નેટિવ બ્રાન્ડ હેઠળ વોટર પ્યુરિફાયર અને ઇલેક્ટ્રોનિક ડોર લોકના લોંચ સાથે હોમ સોલ્યુશન્સનું વિસ્તરણ કર્યું છે.

રેડ હેરિંગ પ્રોસ્પેક્ટસ દ્વારા ઓફર થનારા ઇક્વિટી શેર્સ બીએસઇ લિમિટેડ (બીએસઇ) અને નેશનલ સ્ટોક એક્સચેન્જ ઓફ ઇન્ડિયા લિમિટેડ (એનએસઇ) (લિસ્ટિંગ વિગતો) ઉપર લિસ્ટ કરવાની દરખાસ્ત છે.

કોટક મહિન્દ્રા કેપિટલ કંપની, મોર્ગન સ્ટેનલી ઇન્ડિયા કંપની પ્રાઇવેટ લિમિટેડ, ગોલ્ડમેન સેક્સ (ઇન્ડિયા) સિક્યુરિટીઝ પ્રાઇવેટ લિમિટેડ અને જેએમ ફાઇનાન્સિયલ લિમિટેડ ઇશ્યૂના બુક રનિંગ લીડ મેનેજર્સ (બીઆરએલએમ) છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)