TATA POWER રિન્યુએબલ એનર્જી એ સુઝલોન સાથે જોડાણ કર્યું

અમદાવાદ, 17 સપ્ટેમ્બર: ભારતનાં હરિત ઊર્જા ક્ષેત્રમાં મહત્વની કંપની અને ટાટા પાવર કંપની લિમિટેડ (ટાટા પાવર)ની પેટાકંપની ટાટા પાવર રીન્યુએબલ એનર્જી લિમિટેડ (TPREL)એ 838 મેગાવોટની સંયુક્ત ક્ષમતા ધરાવતા વિન્ડ ટર્બાઇન જનરેટર્સ સપ્લાય કરવા માટે સુઝલોન ગ્રૂપ (સુઝલોન) સાથે કરાર પર હસ્તાક્ષર કર્યા છે. આ ટર્બાઇન આગામી કેટલાંક વર્ષો દરમિયાન વિવિધ રાજ્યોમાં TPRELના પૂર્ણ થનારા વિવિધ પ્રોજેક્ટ્સને ટેકો આપશે.

આ ભાગીદારી ભારતનાં અક્ષય ઊર્જા તરફનાં પ્રયાણમાં અગ્રણી તરીકે TPRELની સ્થિતિને વધુ મજબૂત કરે છે અને 2030 સુધીમાં 500 ગિગાવોટ અક્ષય ઊર્જા ક્ષમતા હાંસલ કરવાનાં દેશનાં લક્ષ્યને વહેલો પૂર્ણ કરવામાં મહત્વની ભૂમિકા ભજવી રહી છે.  આ ભાગીદારી વિશ્વાસપાત્ર, ડિસ્પેચેબલ અને આર્થિક રીતે ટકાઉ હોય તેવા પવન ઊર્જા પ્રોજેક્ટ્સને વધારવા પર TPRELનાં ફોકસને પ્રદર્શિત કરે છે.

TPREL 3.9 ગિગાવોટથી વધુનો ઊર્જા પોર્ટફોલિયો ધરાવે છે, જેમાંથી એ ગિગાવોટ કાર્યાન્વિત છે અને બાકીનો રાજસ્થાન, ગુજરાત, મધ્યપ્રદેશ, મહારાષ્ટ્ર, આંધ્રપ્રદેશ, કર્ણાટક અને તામિલનાડુમાં વિકાસનાં વિવિધ તબક્કા હેઠળ છે. અગ્રીણ અક્ષય ઊર્જા કંપની સુઝલોન પવન ઊર્જા ક્ષેત્રમાં તેની વ્યાપક નિપુણતાનો લાભ લઇને સર્વગ્રાહી એન્ડ-ટુ-એન્ડ સોલ્યુશન પૂરાં પાડશે. TPREL અને સુઝલોન વચ્ચે આ ત્રીજું વ્યૂહાત્મક જોડાણ છે, જે એક દાયકા કરતા વધુ સમયથી બંને કંપનીઓ વચ્ચેની મજબૂત ભાગીદારીને પ્રદર્શિત કરે છે.

2045 સુધીમાં 100 ટકા સ્વચ્છ ઉર્જા હાંસલ કરવાનાં ટાટા પાવરનાં અત્યંત મહત્વનાં લક્ષ્યને ટેકો આપે છે અને તેનાં વિસ્તૃત થઈ રહેલાં અક્ષય ઊર્જા પોર્ટફોલિયોને પૂરક છે, જે હાલમાં કુલ 15.7 ગિગાવોટ છે, જેમાંથી 6.9 ગિગાવોટ સ્વચ્છ ઊર્જામાંથી આવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)