ક્રેડિટએક્સેસ ગ્રામીણના NCDનો પ્રથમ તબક્કો 14 નવેમ્બરે ખૂલશે

રૂ. 1000ની ફેસવેલ્યૂ ધરાવતા એનસીડીનો કુપન રેટ 10 ટકાથી 10.46 ટકા નિર્ધારિત કરાયો

અમદાવાદઃ નોન-બેન્કિગ ફાઈનાન્સિયલ કંપની માઈક્રો ફાઈનાન્સ ઈન્સ્ટિટ્યુશન (એનબીએફસી-એમએફઆઈ) ક્રેડિટ એક્સેસ ગ્રામીણ લિમિટેડે  રૂ. 1,000ની ફેસ વેલ્યુ ધરાવતા સલામત, રિડીમ કરવા યોગ્ય, નોન- કન્વર્ટિબલ ડીબેન્ચર્સ (એનસીડી) ટ્રાન્ચ 1 ઈશ્યૂ 14 નવેમ્બરે લાવશે. રૂ. 250 કરોડનું ઓવરસબસ્ક્રિપ્શન જાળવવાના વિકલ્પ સાથે રૂ. 250 કરોડની બેઝ ઈસ્યુ સાઈઝ સાથેના કુલ રૂ. 500 કરોડનો એનએસડી ઈસ્યુની શેલ્ફ લિમિટ રૂ. 1500 કરોડ છે.

ટ્રાંચ 1 ઈસ્યુ 14 નવેમ્બર, સોમવારે ખૂલશે અને 2 ડિસેમ્બર શુક્રવારે બંધ થશે. એનસીડીને ઈન્ડિયા રેટિંગ્સ એન્ડ રીસર્ચ પ્રાઈવેટ લિમિટેડ દ્વારા IND AA-/સ્ટેબલ રેટ આપવામાં આવ્યો છે.

રોકાણકારે લઘુત્તમ 10 એનસીડી માટે અરજી કરવાની રહેશે ત્યારબાદ તેના ગુણાંકમાં અરજી કરી શકશે. એનસીડીની મુદ્દત 24 માસ, 36 માસ અને 60 માસ નિર્ધારિત કરવામાં આવી છે. જેમાં માસિક અને સંચિત કૂપન પેમેન્ટ મોડ્સ I, II, III, IV, V અને VIમાં ઓફર કરવામાં આવે છે. વાર્ષિક 9.83% થી 10.46% સુધીની યિલ્ડ રોકાણકારોને ચૂકવવામાં આવશે. સંચિત કૂપન ચુકવણી વિકલ્પ હેઠળ તમામ કેટેગરીમાં એનસીડીધારકો માટે પાકતી મુદતની રકમ રૂ. 1,206.57થી રૂ. 1,644.91ની રેન્જમાં રહેશે.

ટ્રેન્ચ1 ઈસ્યુની ચોખ્ખી આવકમાંથી, ઓછામાં ઓછા 75% નો ઉપયોગ આગળના ધિરાણ, ધિરાણ અને વ્યાજની ચુકવણી માટે અને કંપનીના વર્તમાન ઋણના મુદ્દલ માટે કરવામાં આવશે અને મહત્તમ 25% સુધીનો ઉપયોગ સામાન્ય કંપની હેતુઓ માટે કરવામાં આવશે.

ભારતમાં 1,684 શાખાઓ અને 10,826 લોન અધિકારીઓ દ્વારા હાજરી સાથે એકીકૃત ધોરણે 30 સપ્ટેમ્બર, 2022 સુધીમાં, કંપની પાસે રૂ. 16,539.11 કરોડની કુલ એયુએમ ધરાવે છે. કંપની આવક ઉપાર્જન લોનના પૂરી પાડવાના પ્રાથમિક ઉદ્દેશ્ય સાથે રૂ, 3,00,000ની વાર્ષિક આવક ધરાવતી મહિલાઓને કોલેટરલ ફ્રી લોન આપે છે.