NSEમાં FY25 દરમિયાન ઉમેરાયેલા 84 લાખ નવા એકાઉન્ટમાં ગ્રોનો 40% ફાળો

મુંબઇ, 19 એપ્રિલઃ ગ્રો નાણાંકીય વર્ષ 2025માં ભારતમાં સૌથી ઝડપથી વિકસતું રિટેલ બ્રોકિંગ પ્લેટફોર્મ તરીકે ઊભરી આવ્યું છે. કંપનીએ સ્થિર ગતિએ ગયા વર્ષની સરખામણીએ તેનો બજાર હિસ્સો અને ગયા વર્ષની સરખામણીએ ક્લાયન્ટ બેઝ વિસ્તાર્યો છે. નેશનલ સ્ટોક એક્સચેન્જ (એનએસઈ)ના ડેટા મુજબ ગ્રોનો એક્ટિવ ક્લાયન્ટ બેઝ માર્ચ 2024માં 9.5 મિલિયનથી વધીને ફેબ્રુઆરી 2025માં 13.01 મિલિયન થયો છે જે વાર્ષિક ધોરણે લગભગ 37 ટકાનો વધારો દર્શાવે છે. આ જ સમયગાળા દરમિયાન એનએસઈ પર કુલ એક્ટિવ ડિમેટ એકાઉન્ટ્સની કુલ સંખ્યા 40.8 મિલિયનથી 20 ટકા વધીને 48.96 મિલિયન થઈ હતી. ગ્રો કુલ ચોખ્ખા ઉમેરામાં લગભગ 43 ટકા હિસ્સો ધરાવે છે.

પ્લેટફોર્મનો બજાર હિસ્સો માર્ચ 2024માં 23.28 ટકાથી વધીને ફેબ્રુઆરી 2025 સુધીમાં 26.57 ટકા થયો હતો. ગ્રોએ સમગ્ર સમયગાળા દરમિયાન બજાર હિસ્સામાં માસિક ધોરણે સતત હકારાત્મક વૃદ્ધિ નોંધાવી છે. માત્ર ફેબ્રુઆરી 2025માં જ તેનો એકંદરે ડિમેટ બેઝ થોડોક ઘટ્યો હતો. સરેરાશ ગ્રોનો ક્લાયન્ટ બેઝ માસિક ધોરણે 2.92 ટકા વધ્યો હતો જે ઉદ્યોગના 1.68 ટકા દર કરતાં વધુ હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)