QIBsના સહારે હેક્સાવેર ટેકનોલોજીનો IPO ભરાયો

મુંબઇ, 14 ફેબ્રુઆરીઃ બપોરે 2.24 કલાકની સ્થિતિ અનુસાર ક્વોલિફાઇડ ઇન્સ્ટિટ્યૂશનલ બાયર્સ (QIBs)ની મજબૂત માંગ વચ્ચે હેક્સાવેર ટેક્નોલોજીસનો પ્રારંભિક જાહેર ઓફર (IPO) તેના બિડિંગના છેલ્લા દિવસે (14 ફેબ્રુઆરી) તરી ગયો છે. કંપની રૂ. 8,750 કરોડ એકત્ર કરવાનું લક્ષ્ય રાખે છે. NSE પર બપોરે 1.20 વાગ્યેના ડેટા અનુસાર, IPO માં 1.39 ગણું સબ્સ્ક્રિપ્શન જોવા મળ્યું કારણ કે તેને 9.14 કરોડ શેરની ઓફર કદની સામે 12.75 કરોડ શેર માટે બિડ મળી હતી. QIBs સબ્સ્ક્રિપ્શન 4.75 ગણો બુક થયો હતો. તેની સામે સાવ કંગાળ પ્રતિસાદ સાથે રિટેલ રોકાણકારોનો પોર્શન 9 ટકા જ ભરાયો હતો. જ્યારે કર્મચારીઓ માટે રાખવામાં આવેલ પોર્શન પણ માંડ 26 ટકા સબસ્ક્રાઇબ થયો હતો. જ્યારે બિન-સંસ્થાકીય રોકાણકારો (NIIs) માટે અનામત ભાગ 11 ટકા બુક કરવામાં આવ્યો હતો. કુલ 1.77 ગણો આઇપીઓ ભરાયો હોવાનું બીએસઇની વેબસાઇટ દર્શાવે છે. ટૂંકમાં પ્રાઇમરી માર્કેટમાં પણ સેકન્ડરી માર્કેટની મંદીનો ચેપ લાગી ગયો હોવાનું નિષ્ણાતો જણાવી રહ્યા છે.

ગ્રે માર્કેટ પ્રીમિયમ (GMP): લિસ્ટિંગ પહેલાં, કંપનીના અનલિસ્ટેડ શેર 0 ટકાના ગ્રે માર્કેટ પ્રીમિયમ (GMP) સાથે રૂ. 708 પર ફ્લેટ ટ્રેડિંગ કરી રહ્યા હોવાનું બિનસત્તાવાર સૂત્રોએ જણાવ્યું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)