Jerai Fitness Limited એ DRHP ફાઇલ કર્યું

અમદાવાદ, 4 ઓક્ટોબરઃ જેરાઇ ફિટનેસ લિમિટેડે તેના પ્રારંભિક જાહેર ભરણા (આઇપીઓ) માટે સેબીમાં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. આ ઓફરમાં પ્રતિશેર રૂ. 10ની મૂળ કિંમતના 4,392,500 ઇક્વિટી શેર્સનો ઓફર ફોર સેલ છે. ઓફર ફોર સેલમાં રાજેશ રામસુખ રાય દ્વારા 1,500,000 ઇક્વિટી શેર્સ, રિંકુ રાજેશ રાય (પ્રમોટર સેલિંગ શેરહોલ્ડર્સ) દ્વારા 1,692,500 ઇક્વિટી શેર્સ તથા રાજેશ રામસુખ રાય એચયુએફ (પ્રમોટર ગ્રૂપ સેલિંગ શેરહોલ્ડર) દ્વારા 1,200,000 ઇક્વિટી શેર્સ સામેલ છે.

કંપની સ્થાનિક અને આંતરરાષ્ટ્રીય બજારોમાં કોમર્શિયલ જીમ,હોટલ,કોર્પોરેશનો અને રિયલ એસ્ટેટ પ્રોજેક્ટ્સના વિવિધ ગ્રાહકોની જરૂરિયાતો મૂજબ ઉત્પાદિત ઉપકરણો પ્રદાન કરે છે. તે જાપાન,યુએઈ,ઓસ્ટ્રેલિયા,સર્બિયા,સ્વીડન વગેરે જેવા અનેક દેશોમાં નિકાસ કરે છે. કંપનીની લાંબા સમયથી ઉપસ્થિતિથી તેને ઉત્પાદન પ્રક્રિયાઓ,ઇન્વેન્ટરી મેનેજમેન્ટ,વિતરણ કાર્યક્ષમતા અને ગ્રાહક સેવા જેવા મુખ્ય કાર્યકારી ક્ષેત્રોમાં વિકાસ કરવામાં મદદ મળી છે. જેરાઈ ફિટનેસ 14વિશિષ્ટ શોરૂમ સાથએ સમગ્ર ભારતમાં હાજરી ધરાવે છે,જે ગ્રાહક જોડાણ અને બ્રાન્ડ સુલભતાને સક્ષમ બનાવે છે.

રેડ હેરિંગ પ્રોસ્પેક્ટસ દ્વારા ઓફર કરાતા ઇક્વિટી શેર્સ બીએસઇ લિમિટેડ અને નેશનલ સ્ટોક એક્સચેન્જ ઓફ ઇન્ડિયા બંન્ને ઉપર લિસ્ટ થવાની દરખાસ્ત છે.

એમકે ગ્લોબલ ફાઇનાન્સિયલ સર્વિસિસ લિમિટેડ અને કેટલિસ્ટ કેપિટલ પાર્ટનર્સ પ્રાઇવેટ લિમિટેડ ઇશ્યૂના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)