જિયો પ્લેટફોર્મ્સને બે પ્રતિષ્ઠિત ઇન્ટલેક્ચ્યુઅલ પ્રોપર્ટી એવોર્ડ પ્રાપ્ત થયા

નવી દિલ્હી, 28 માર્ચ: જિયો પ્લેટફોર્મ્સ લિમિટેડે (જેપીએલ) ​​બે મહત્વના ઇન્ટલેક્ચ્યુઅલ પ્રોપર્ટી એવોર્ડ જીતવાની તેની નોંધપાત્ર સિદ્ધિની જાહેરાત કરી હતી. નવી દિલ્હીમાં એક કાર્યક્રમમાં જિયો પ્લેટફોર્મ્સને ભારત સરકાર દ્વારા નેશનલ ઇન્ટલેચ્ચ્યુઅલ પ્રોપર્ટી એવોર્ડ પુરસ્કારથી સન્માનિત કરવામાં આવી હતી અને સાથે જ વર્લ્ડ ઇન્ટલેચ્ચુઅલ પ્રોપર્ટી ઓર્ગેનાઇઝેશન (ડબ્લ્યૂઆઇપીઓ) દ્વારા ટેકનોલોજી અને ઇનોવેશનમાં તેની અસાધારણ શ્રેષ્ઠતા માટે સન્માનિત કરવામાં આવી હતી.

કંપનીના પેટન્ટ પોર્ટફોલિયોમાં છેલ્લા ત્રણ વર્ષમાં દાખલ કરાયેલી 4,000થી વધુ ગ્લોબલ પેટન્ટ એપ્લિકેશન્સનો સમાવેશ થાય છે, જે ભારતની ઇન્ટલેક્ચ્યુઅલ પ્રોપર્ટી ક્ષેત્રે એક પરિવર્તનશીલ છલાંગ છે. આ પેટન્ટ્સ ટેલિકમ્યુનિકેશન્સ, ડિજિટલ ટેકનોલોજી, આર્ટિફિશિયલ ઇન્ટેલિજન્સ અને ઇમર્જિંગ ટેકનોલોજિકલ ફ્રન્ટિયર્સ જેવા અત્યાધુનિક ક્ષેત્રોનો સમાવેશ કરે છે, જે જેપીએલને ઇનોવેશનમાં વૈશ્વિક અગ્રણી તરીકે સ્થાન આપે છે. જિયો પ્લેટફોર્મ્સ લિમિટેડના સિનિયર વાઇસ પ્રેસિડેન્ટ આયુષ ભટનાગરે જેપીએલ વતી આ એવોર્ડ્સ સ્વીકારતાં જણાવ્યું હતું કે, આ એવોર્ડ્સ વાસ્તવિક દુનિયાના પડકારોને ઉકેલવા માટે ઊંડી પ્રતિબદ્ધતા સાથે ઇનોવેશને જોડવાના અમારા અભિગમને માન્યતા પૂરી પાડે છે.